LOUKAS 23:5 - Khasi CL Bible (BSI)

⁵ Hynrei ki la ïa-ban kham jur shuh shuh, “Da ka jinghikai jong u, u la sdang ka jingpynkhihwin hapdeng ki briew ha baroh kylleng ka Judia. U la sdang ha Galilaïa bad mynta u la poi hangne.”

KA BAIBL

⁵ Hynrei, ki te ki la kham ïa-pyneh, ki da ïa-ong, “U pynkhih ïa u paidlang, U da hikai kylleng ka Judia baroh, da kaba sdang naduh Galilaïa haduh hangne.”

LOUKAS 23:5 ပူးပေါင်းရင်းမြစ်များ

SALM 22:16

Ka kynhun ki riewsniew ka don sawdong ïa nga; kum ka kynhun ki ksew, ki don hajan jong nga; ki patar ïa ki kti bad ki kjat jong nga.

SALM 57:4

Ïa nga la ker sawdong da ki nongshun, kiba long kum ki sing bathrang ïa ka doh briew. Ki bniat jong ki kum ki sum bad ki khnam; ki thylliej jong ki kum ki waitlam banep.

SALM 69:4

Kito kiba isih ïa nga khlem kano kano ka daw ki kham bun ban ïa ki shñiuh ha ka khlieh jong nga. Ki nongshun jong nga ki ïathuh ki jinglamler pyrshah ïa nga; ki long kiba khlaiñ bad ki kwah ban pynïap ïa nga. Ki la pynlong ïa nga ban pynphai ïa kiei kiei kiba ngam shym la tuh.

MATHAÏOS 11:1

Haba U Jisu u la dep ai ïa kine ki jinghikai ha ki khat-ar ngut ki synran jong u, u la mihnoh na kata ka jaka bad u la leit noh ban hikai bad ïalap ha ki shnong kiba hajan hangta.

MATHAÏOS 2:1

Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli,

MATHAÏOS 27:24

Haba u Pilat u la ïohi ba kam donkam ban pynjlan, hynrei ba kan pynmih pynban ka jingkhynwin, u la shim khyndiat ka um, u la thet ïa la ki kti ha khmat u paidbah, bad u la ong, “Ngam don jingkitkhlieh na ka bynta ka jingïap jong une u briew! Kane ka dei ka jingleh jong phi!”

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MARKOS 1:14

Hadien ba la set ïa u Ïoannis ha ka byndi, U Jisu u la leit noh sha Galilaïa bad ïalap ïa ka Khubor Babha na U Blei.

LOUKAS 11:53

Haba U Jisu u la mihnoh na kata ka jaka, ki nonghikai ka Hukum bad ki Pharisi ki la sdang ban wohnia shikatdei eh ïa u bad kylli ïa u ki jingkylli shaphang bun kiei kiei,

LOUKAS 23:23

Hynrei ki la ïai pyrta da ka sur kaba jam eh ba ïa U Jisu dei ban sahnarphna, bad khatduh ka jingpyrta jong ki ka la jop.

LOUKAS 23:6

Haba u Pilat u la ïohsngew ïa kane, u la kylli, “Hato une u briew u dei u nong Galilaïa?”

ÏOANNIS 1:43

Ha ka sngi kaba bud, U Jisu u la kut jingmut ban leit noh sha Galilaïa. U la shem ïa u Philip bad u la ong ha u, “To wan bad nga!”

ÏOANNIS 19:15

Ki la pyrta biang, “To pynïap noh ïa u! Pynïap noh ïa u! Sahnarphna ïa u!” U Pilat u la kylli ïa ki, “Phi kwah ïa nga ba ngan sahnarphna ïa u syiem jong phi?” Ki rangbah lyngdoh ki la jubab, “U syiem uba ngi don u dei tang u Patsha!”

ÏOANNIS 2:11

U Jisu u la leh ïa kane ka kambah kaba nyngkong ha Kana ha Galilaïa; hangta, u la pynpaw ïa ka burom jong u, bad ki synran jong u ki la ngeit ha u.

ÏOANNIS 7:41

Kiwei pat ki la ong, “U dei U Messaïah!” Hynrei kiwei ki la ong, “U Messaïah un ym wan na Galilaïa?

ÏOANNIS 7:52

“Te kumta,” ki la jubab, “phi ruh phi dei na Galilaïa? To pule minot ïa ki Jingthoh Bakhuid bad phin shem ba ym don nongïathuhlypa uba ju mih na Galilaïa.”

KI KAM 10:37

Phi tip ïa ka jingjia kaba khraw kaba la jia ha kylleng ka ri Israel, kaba sdang ha Galilaïa hadien ba u Ïoannis u la ïalap ïa ka khubor jong u shaphang ka jingpynbaptis.

KI KAM 23:10

Ka jingïakajia ka la shit haduh katta katta ba u rangbah ai hukum u la sheptieng ïoh ba kin tar lyngkhot lyngkhai ïa u Paul. Kumta u hukum ïa ki shipai jong u ban leit sha ka kynhun, ban shim noh ïa u Paul na ki, bad ïalam ïa u shapoh ka kut shipai.

KI KAM 5:33

Haba ki dkhot jong ka Dorbar ki la ïohsngew ïa kane, ki la bitar shla haduh katta katta ba ki la kwah ban phah pynïap ïa ki apostol.

KI KAM 7:54

Katba ki dkhot jong ka Dorbar ki pynshahshkor ïa u Stephan, ki la bitar shla bad ki la kyr-iat bniat ïa u ha ka jingbitar.

KI KAM 7:57

Da ka jingpyrta bajam ki dkhot jong ka Dorbar ki la set ïa la ki shkor da la ki kti. Nangta baroh ki la tur sha u hangta hi, ki la bret ïa u shabar ka nongbah, bad ki la lynthem maw ïa u.