LOUKAS 23:35 - Khasi CL Bible (BSI)

³⁵ Ki paidbah ki la ïeng hangta da kaba khmih katba ki nongïalam jong ki Jiw ki krenbeiñ ïa u: “U la pynim ïa kiwei; ai un pynim ïa lade lada u dei U Messaïah ïa uba U Blei u la jied!”

KA BAIBL

³⁵ Uta u paidlang te u la ïeng jngoh. Ki nongsynshar ruh de ki la ïa-pynran beiñ ïa la ki khmut, ki da ïa-ong, “Ïa kiwei U la pynim; to un pynim ïa lade, lada une U long U Khrist u jong U Blei, uba la jied jong u!”

LOUKAS 23:35 ပူးပေါင်းရင်းမြစ်များ

SALM 22:17

Baroh ki shyieng jong nga ki paw lut. Ki nongshun jong nga ki peit sha nga bad ki ang lyngngoh.

SALM 35:15

Hynrei haba nga don ha ka jingjynjar, ki baroh ki lehkmen, bad ki ïalumlang sawdong ban rkhiebeiñ ïa nga; ki nongwei ki ïashoh ïa nga bad ki ïai tied ïa nga.

SALM 4:2

Slem katno phi ki briew phin ibeiñ ïa nga? Slem katno phin ieit ïa kaei ka bymdondor bad ïabeh ïa ka bymshisha?

SALM 69:26

Ki la beh beiñ ïa kito kiba me la pynshitom; ki ïakren shaphang ki jingshah shitom jong kito kiba me la pynmynsaw.

SALM 71:11

Ki ong, “U Blei u la iehnoh ïa u; ïa ngin ïabeh bad kem ïa u; ym don mano mano ban pyllait im ïa u.”

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 49:7

U Blei Bakhuid bad u nongpynim ki Israel u ong ïa uta uba shah ibeiñ, ïa uba la isih da ki jaitbynriew bad uba long u shakri jong ki nongsynshar: “Ki syiem kin ïohi ba la pyllait ïa me bad kin ïeng ban pynpaw ïa ka jingñiewburom jong ki; ki khun syiem ruh kin ïohi ïa kata, bad kin dem khrup ban pyndonburom ïa me.” Kane kan jia namar U Trai u la jied ïa la u shakri; U Blei bakhuid jong ki Israel u bat ïa la ki kular.

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

SNGEWSYNEI 3:14

Ki briew ki rkhie ïa nga baroh shi sngi; nga long ka jingbiria ïa ki baroh.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

MATHAÏOS 12:18

“Une hangne u long u shakri jong nga, ïa uba nga la jied, uta uba nga ieit, bad ha uba nga sngewbha eh. Ngan phah ïa U Mynsiem jong nga halor jong u, bad un pynbna ïa ka jingbishar jong nga ha ki jaitbynriew.

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

LOUKAS 23:13

U Pilat u la khot lang ïa ki rangbah lyngdoh, ïa ki nongïalam, bad ïa u paidbah, bad u la ong ha ki,

LOUKAS 23:39

Uwei na ki nongleh kam runar uba la sdien hangta u la krenbeiñ ïa u: “Hato mem long U Messaïah? To pynim ïa lade bad ïa ngi!”

1 PETROS 2:4

To wan sha U Trai, u maw uba im uba la kyntait da u briew kum u bymmyntoi hynrei uba la jied da U Blei ba u long uba kordor.