LOUKAS 23:34 - Khasi CL Bible (BSI)

³⁴ U Jisu u la ong, “Ko Pa, to map ïa ki! Kim tip ïa kaei kaba ki leh.” Ki la pynbynta ïa ki jaiñ jong u hapdeng jong ki hi da kaba kynting sbai.

KA BAIBL

³⁴ Te U Jisu u la ong, “Ko Kpa, to map ïa ki; naba kim tip kaei ba ki leh.” Haba ki la ïabynta ïa ki jaiñkup jong U, te ki la ïakhalai.

LOUKAS 23:34 ပူးပေါင်းရင်းမြစ်များ

JENESIS 50:17

Kumta ngi kyrpad ïa phi ba phin map ïa ka kam sniew kaba ngi, ki shakri jong U Blei u kpa jong phi, ngi la leh.” U Joseph u ïam haba u ïohsngew ïa kane.

SALM 22:18

Ki ïakhalai ïa ki jaiñ jong nga bad ïasam ïa ki hapdeng jong ki.

ISAÏAH 53:12

Bad kumta ngan ai ha u ïa ka burom, ka jaka hapdeng kiba khraw bad kiba donbor. U la aiti mon sngewbha ïa la ka jingim bad u la shim bynta lem bad ki riewbymman. U la shim ïa ka jaka jong ki nongpop kiba bun bad u la duwai ba ki kin ïoh ïa ka Jingmap-ei.”

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

MATHAÏOS 11:26

Ho-oid, Ko Kpa, kane ka la long kumno me la kwah ïa ka ba kan jia.

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

MARKOS 15:24

Nangta, ki la sahnarphna ïa u bad ki la ïabynta ïa ki jaiñ jong u hapdeng jong ki, da kaba ïakynting sbai ban khmih mano ban ïoh ïa kano ka bynta jong ka jaiñ.

LOUKAS 22:42

“Ko Pa,” u la ong, “lada me mon, shim noh na nga ïa kane ka khuri ka jingshah shitom. Ym ïa ka mon jong nga, pynban, ïa ka mon jong me yn pyndep.”

ÏOANNIS 17:9

“Nga duwai na ka bynta jong ki. Ngam duwai na ka bynta ka pyrthei hynrei na ka bynta kito ïa kiba me la ai ha nga, namar ki long ki jong me.

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

KI KAM 16:28

Hynrei u Paul u la pyrta da ka ktien kaba jam, “Wat pynmynsaw ïa lade. Ngi baroh ngi don hangne!”

KI KAM 3:17

“Bad mynta, ko hynmen ko para jong nga, nga tip ba kaei kaba ma phi bad ki nongïalam jong phi, phi la leh ïa U Jisu ka long namar ka jingbymtip jong phi.

KI KAM 7:60

U la dem khohsiew bad u la kyang da ka ktien bajam, “A Trai! wat kynmaw ïa kane ka pop pyrshah ïa ki!” U la ong ïa kane bad u la ïap.

Ka Shithi U Paul Sha Ki Nong Rom 12:14

To kyrpad ïa U Blei ban kyrkhu ïa kito kiba pynshitom ïa phi — ho-oid, to kyrpad ïa u ban kyrkhu, ym ban tim.

1 KORINTH 2:8

Ym don uwei ruh na ki nongsynshar jong kane ka pyrthei, uba la tip ïa kane ka jingstad. Lada ki la tip ïa ka, kin ym da la sahnarphna ïa U Trai ka burom.

1 KORINTH 4:12

Haba la tim ïa ngi, ngi kyrkhu; haba la pynshitom ïa ngi, ngi ïaishah; haba la krenbeiñ ïa ngi, ngi pynphai kylliang da ki ktien kiba jem.

1 TIMOTHI 1:13

Hynrei U Blei u la leh-isynei ïa nga namar ngam pat shym la don ka jingngeit bad kumta ngam shym tip ïa kaei kaba nga la leh.

1 PETROS 3:9

Wat siew kylliang ïa kaba sniew da kaba sniew lane ïa ka jingtim da ka jingtim; pynban, to siew kylliang da ka jingkyrkhu, namar ka jingkyrkhu ka long kaei kaba U Blei u la kular ban ai ïa phi mynba u la khot ïa phi.