LOUKAS 23:33 - Khasi CL Bible (BSI)

³³ Haba ki la poi ha ka jaka ba la khot “Ka Maloi Khlieh,” ki la sahnarphna ïa U Jisu hangta, bad ïa ki ar ngut ki nongleh kam runar, uwei sha kamon jong u bad uwei pat sha kadiang jong u.

KA BAIBL

³³ Ynda ki la poi te ha kata ka jaka ïa kaba ju khot “Maloi khlieh”, hangta ki la sahnarphna ïa U, bad ïa kita ki nongkam sniew, ïa uwei sha kamon, bad ïa uwei sha kadiang de.

LOUKAS 23:33 ပူးပေါင်းရင်းမြစ်များ

SALM 22:16

Ka kynhun ki riewsniew ka don sawdong ïa nga; kum ka kynhun ki ksew, ki don hajan jong nga; ki patar ïa ki kti bad ki kjat jong nga.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

MATHAÏOS 20:19

Kin pynrem ïa u sha ka jingïap bad kin aiti ïa u ha ki Jentil, ki ban krenbeiñ ïa u, kin sympat ïa u, bad kin sahnarphna ïa u; hynrei hadien lai sngi yn sa pynmihpat ïa u.”

MATHAÏOS 26:2

“Sa ar sngi, kumba phi tip, kan long ka Jingkhawai Niam Ka Jinglait, bad ïa U Khun U Briew yn sa aiti noh ïa ka ban shah sahnarphna.”

LOUKAS 24:7

‘Ïa U Khun U Briew dei ban aiti ha ki briew kiba pop, ba yn sahnarphna, bad hadien lai sngi un mihpat.’ ”

ÏOANNIS 18:32

(Kane ka la jia, khnang ba ki ktien jong U Jisu kin urlong da shisha, ki ktien kiba u pyndonkam mynba u la pynpaw ïa ka jingïap kaba kumno u dei ban ïap.)

ÏOANNIS 3:14

Kumba u Moses u la kyntiew ïa u 'seiñ rnong ha u dieng ha ka ri shyiap, ha kajuh ka rukom ka dei ïa U Khun U Briew ba yn kyntiew shajrong, ba uno uno uba ngeit ha u un ïoh ka jingim bymjukut.

KI KAM 13:29

Bad hadien ba ki la lah pyndep ïa kaei kaei baroh kaba ki Jingthoh Bakhuid ki ong shaphang jong u, ki la pynhiar noh ïa u na ka diengphna bad ki la buh ïa u ha ka jingtep.

KI KAM 2:23

Kat kum ka jingthmu jong u hi, U Blei u la lah thmu lypa ba ïa U Jisu yn aiti ha phi; bad phi la pynïap ïa u da kaba shah ïa ki briew bapop ban sahnarphna ïa u.

KI KAM 5:30

U Blei jong ki kpa tymmen jong ngi u la pynmihpat ïa U Jisu na ka jingïap, hadien ba phi la lah pynïap ïa u da kaba sahnar ïa u ha ka diengphna.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

DEUTERONOMI 21:23

ym dei ban ieh ïa ka metïap hangta baroh shi miet. Tep ïa ka ha kajuh ka sngi, namar ka metïap kaba sdien ha u dieng ka long ka jingtim U Blei, khnang ba phin ym pyntngit ïa kata ka ri ba U Trai U Blei jong phi u ai ha phi.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.