LOUKAS 23:31 - Khasi CL Bible (BSI)

³¹ Naba lada ïa kiba kum kine kiei kiei la leh haba u dieng u dang jyrngam, kaei ka ban jia haba u la tyrkhong?”

KA BAIBL

³¹ Naba lada ki leh ïa kine kiei kiei ruh ha u dieng bajyrngam, ïa kaei yn leh ha u batyrkhong?”

LOUKAS 23:31 ပူးပေါင်းရင်းမြစ်များ

PROBERB 11:31

Kito kiba bha ki ïoh bainong hangne ha pyrthei, te phi lah ban thikna ba ki bymman bad ki briew kiba pop kin shah pynshitom.

JEREMAÏAH 25:29

Ngan sdang ïa ka kam jingpynjot jong nga na la ka jong ka nongbah hi. Hato ki pyrkhat ba kin lait khlem shah pynshitom? Em, kin shah pynshitom, namar ngan sa phah ïa ka thma ha ki jaitbynriew ka pyrthei baroh. Ma nga, U Trai Badonbor Baroh, nga la kren.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

MATHAÏOS 3:12

U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”

LOUKAS 23:30

Kata kan long ka por ha kaba ki briew kin ong ha ki lumbah, ‘To hap halor jong ngi!’ bad ha ki lumrit, ‘To buhrieh ïa ngi!’

LOUKAS 23:32

Ïa kiwei pat ki ar ngut ki rangbah, baroh ar ngut ki dei kiba leh kam runar, la ïalam ruh shabar ba yn pynïap ryngkat bad U Jisu.

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

HEBRU 6:8

Hynrei lada ka pynmih ïa ki shiah bad ïa ki ñiut, kam dondor ei ei; ka don ha ka, ka jingma naba U Blei un tim bad pynjot da ka ding.

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.