LOUKAS 22:29 - Khasi CL Bible (BSI)

²⁹ bad kumba U Kpa jong nga u la ai ha nga ka bor ban synshar, kumta ngan ai ha phi ïa kajuh ka bor.

KA BAIBL

²⁹ Nga te nga kular skhem ha phi ïa ka hima, kumba U Kpa jong nga u la ai ha nga,

LOUKAS 22:29 ပူးပေါင်းရင်းမြစ်များ

MATHAÏOS 24:47

Da shisha, nga ong ha phi, u kynrad un buh ïa uta u shakri ban khmih ïa ka jingdon jingem jong u baroh.

MATHAÏOS 25:21

‘Me la leh ïa kaba bha tam, me u shakri uba bha bad uba lah ban shaniah!’ la ong u kynrad jong u. ‘Me la long uba lah ban shaniah ha kaba pynïaid ïa kaba khyndiat, kumta ngan buh ïa me ban khmih ïa kaba kham bun. To wan rung shapoh bad ïoh bynta lem na ka jingkmen jong nga!’

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

MATHAÏOS 5:10

Suk kito kiba shah pynshitom beiñ namar ba ki leh ïa kaei kaba U Blei u dawa; ka Hima ki bneng ka long ka jong ki!

MATHAÏOS 5:3

“Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

LOUKAS 19:17

‘Me la lehbha,’ u la ong; ‘me long u shakri uba bha! Namar ba me long uba lah ban shaniah ha kiei kiei kiba rit, ngan buh ïa me ban khmih ïa ki shiphew tylli ki nongbah.’

1 KORINTH 9:25

Man uwei pa uwei u nongïamareh uba don ha ka jingshah hikai, u pyndem ha ka jinghikai kaba pyrkhing, khnang ba yn pynphong da ka pansngiat sla dieng ka bymneh; hynrei ma ngi pat ngi ïaleh na ka bynta kata ka ban neh junom la junom.

2 KORINTH 1:7

Kumta ba ka jingkyrmen jong ngi sha phi kan ym khih lano lano; ngi tip ba kumba phi ïoh bynta na kita ki jingshahshitom jong ngi, kumjuh ruh phi ïoh bynta lem na kata ka jingïarap kaba ngi ïohpdiang.

2 TIMOTHI 2:12

Lada ngi ïai bteng ban ïaishah, ngin sa synshar ruh lem bad u. Lada ngin len ïa u, u ruh un len ïa ngi.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.

JINGPYNPAW 21:14

Ïa ka kynroh jong ka nongbah la tei halor ki khat-ar tylli ki maw nongrim, kiba halor jong ki la thoh ïa ki kyrteng jong ki khat-ar ngut ki apostol jong U Khunlangbrot.