LOUKAS 22:20 - Khasi CL Bible (BSI)

²⁰ Ha kajuh ka rukom, u la ai ha ki ïa ka khuri hadien ka jingbam miet, da kaba ong, “Kane ka khuri ka long ka jutang bathymmai jong U Blei ïa kaba la pynskhem da ka snam jong nga, ïa kaba la pynmih noh na ka bynta jong phi.

KA BAIBL

²⁰ Kumjuh ruh ïa kata ka khuri, hadien kaba bam ja miet, U da ong, “Kane ka khuri ka long kata Ka Jutang Ka Bathymmai da ka snam jong nga, ïa kaba yn sa theh noh na ka bynta jong phi:

LOUKAS 22:20 ပူးပေါင်းရင်းမြစ်များ

EKSODOS 24:8

Kumta u Moses u shim ïa kata ka snam na ki dabor bad u synreit ïa ka ha uta u paidbah. U ong, “Kane ka long ka snam kaba pynskhem ïa ka jutang kaba U Trai u la pynlong bad phi, mynba u ai ïa kine ki hukum baroh.”

JEREMAÏAH 31:31

U Trai u ong, “Ka por kan poi haba ngan sa pynlong ïa ka jutang bathymmai bad ki paid Israel bad ki paid Judah.

SEKHARAÏAH 9:11

U Trai u ong, “Namar ka jutang jong nga bad phi kaba la shonshab da ka snam jong ki jingkñia, ngan pyllaitluid ïa ki briew jong phi — kaba laitluid na ki thliew bym don um jong ka jingshah ringmraw.

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

MARKOS 14:24

U Jisu u la ong, “Kane ka long ka snam jong nga ïa kaba la pynmih na ka bynta kiba bun, ka snam jong nga kaba pynskhem ïa ka jutang U Blei.

1 KORINTH 11:25

Kumjuh ruh, hadien kaba bam ïa ka jingbam miet u la shim ïa ka khuri bad u la ong, “Kane ka khuri ka long ka jutang kaba thymmai jong U Blei, la pynskhem da ka snam jong nga. Man ba phi dih ïa ka, to leh kumta ban kynmaw ïa nga.”

2 KORINTH 3:6

dei ma u, uba pynlah ïa ngi ban shakri ïa ka jutang kaba thymmai, kaba khlem kynthup ïa ka hukum ba la thoh hynrei kaba da U Mynsiem. Ka hukum ba la thoh ka wallam ïa ka jingïap, hynrei U Mynsiem u ai jingim.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

HEBRU 9:17

naba ka jingai sngewbha da ka jingthoh kam don jingmut ei ei katba u briew uba ai ïa ka u dang im; ka treikam tang hadien ka jingïap jong u.