LOUKAS 22:19 - Khasi CL Bible (BSI)

¹⁹ Nangta u la shim shi lyngkhot u kpu, bad U la ainguh ha U Blei, U la kdiah ïa u, bad U la ai ïa u ha ki, da kaba ong, “Une u long ka met jong nga, ïa kaba la ai na ka bynta jong phi. To leh ïa kane ban kynmaw ïa nga.”

KA BAIBL

¹⁹ U la shim ruh ïa u kpu, bad haba u la lah nguh de, u la kdiah ïa u, bad u la ai ha ki, u da ong, “Une u long ka met jong nga ïa kaba la ai noh na ka bynta jong phi; to phin leh ïa kane ïa ka ban kynmaw ïa nga.”

LOUKAS 22:19 ပူးပေါင်းရင်းမြစ်များ

SALM 111:4

U Trai um shah ïa ngi ban klet noh ïa ki jingleh baphylla jong u; u long uba bha sbun bad uba isynei.

JINGRWAI SOLOMON 1:4

To shim ïa nga bad phi, bad ngin ïaphet noh; to long u syiem jong nga bad shim ïa nga sha ka kamra jong phi. Ngin ïakmen lang, ngin ïadih bun bad pyllaitluid war ïa lade ha ka jingieit. Kam long kaba phylla ba baroh ki kynthei ki ieit ïa phi!

ESEKIEL 37:11

U Blei u la ong ha nga, “Ko khun u briew, ki briew ka Israel ki long kum kine ki shyieng. Ki ong ba ki la tyrkhong, khlem kano kano ka jingkyrmen bad ym don shuh ka lawei.

ESEKIEL 5:5

U Trai Nongsynshar u la ong, “Khmih ïa ka Jerusalem. Nga buh ïa ka hapdeng ka pyrthei, bad kiwei pat ki ri sawdong jong ka.

DANIEL 2:38

U la pynlong ïa phi u nongsynshar ïa baroh ka pyrthei bashongbriew bad u nongsynshar ïa baroh ki mrad bad ki sim. Phi long ka khlieh kaba da ka ksiar.

MATHAÏOS 14:19

U la hukum ïa ki paidbah ban shong halor u phlang; nangta u la shim ïa ki san tylli ki kpu bad ïa ki ar tylli ki dohkha, u la khmied sha bneng, bad u la ainguh ïa U Blei. U la kdiah ïa ki kpu bad u la ai ïa ki ha ki synran, bad ki synran ki la ai ïa ki ha u paidbah.

MATHAÏOS 15:36

Nangta u la shim ïa ki hynñiew tylli ki kpu bad ki dohkha, u la ainguh ïa U Blei, u la kdiah ïa ki, bad u la ai ïa ki ha ki synran; bad ki synran ki la ai ïa ki ha u paidbah.

LOUKAS 22:17

Nangta U Jisu u la shim ïa ka khuri, u la ainguh ha U Blei, bad u la ong, “Shim ïa kane bad sam ïa ka hapdeng jong phi.

LOUKAS 22:20

Ha kajuh ka rukom, u la ai ha ki ïa ka khuri hadien ka jingbam miet, da kaba ong, “Kane ka khuri ka long ka jutang bathymmai jong U Blei ïa kaba la pynskhem da ka snam jong nga, ïa kaba la pynmih noh na ka bynta jong phi.

LOUKAS 24:30

U la shong bam bad ki, u la shim ïa u kpu, bad u la duwai; nangta u la kdiah ïa u kpu bad u la ai ïa u ha ki.

ÏOANNIS 6:23

Kiwei pat ki lieng, kiba na Tiberias, ki la wan poi ha ka ryngkew hajan ka jaka ha kaba ki paidbah ki la bam ïa u kpu hadien ba U Trai u la ainguh.

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

1 KORINTH 10:16

Ka khuri kaba ngi pyndonkam ha ka Jingkhawai U Trai bad ïa kaba ngi ainguh ïa U Blei: Haba ngi dih na ka, ngi ïoh bynta lem ha ka snam U Khrist. Bad u kpu uba ngi kdiah: Haba ngi bam ïa u, ngi ïoh bynta lem ha ka met U Khrist.

GALATIA 1:4

Khnang ban pyllait ïa ngi na kane ka juk basniew kaba mynta, U Khrist u la aiti ïa lade na ka bynta ki pop jong ngi, da kaba kohnguh ïa ka mon U Blei bad U Kpa jong ngi.

GALATIA 4:25

Ka Hagar, kaba ïeng na ka bynta u lum Sinai ha Arabia, ka long ka dur jong ka nongbah Jerusalem kaba mynta, ka shong mraw ryngkat bad ki briew jong ka baroh.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

1 THESSALONI 5:18

to long kiba sngewnguh ha kiei kiei baroh. Kane ka long kaei kaba U Blei u kwah na phi ha ka jingim jong phi ha U Khrist Jisu.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.