LOUKAS 22:18 - Khasi CL Bible (BSI)

¹⁸ Nga ong ha phi ba naduh mynta ngan ym dih ïa kane ka waiñ tad ynda ka Hima U Blei ka wan.”

KA BAIBL

¹⁸ naba nga ong ha phi, ba ngan ym dih shuh na u soh u dieng Waiñ, tad ynda kata ka hima jong U Blei kan da wan.”

LOUKAS 22:18 ပူးပေါင်းရင်းမြစ်များ

SALM 104:15

bad pynmih um sohwaiñ ban pynsngewbha ïa u, ka umphniang Olib ban pynkmen ïa u, bad u kpu ban ai jingkhlaiñ ïa u.

JINGRWAI SOLOMON 5:1

Nga la rung sha ka kper jong nga, ko ba-ieit thep mynsiem jong nga, ko nongleitkurim jong nga. Nga la lum ïa ki musla bad ka mirr jong nga; nga bam ïa ka ngap bad ka rewngap jong nga; nga dih ïa ka waiñ bad ka dud jong nga. To bam, ko ki nongphylliew jingieit, to dih tad haduh ba phin da buaid da ka jingieit.

ISAÏAH 25:6

Hangne halor u Lum Seïon, U Trai Badonbor Baroh un pynkhreh ka jingkhawai bah na ka bynta ki jaitbynriew baroh jong ka pyrthei — ka jingkhawai bah da ki jingbam bakyrhai eh bad ka waiñ bakynsai tam.

ISAÏAH 55:1

U Trai u ong, “To wan, phi kiba sliang — hangne ka don ka um! To wan, phi ki bym don pisa — thied ïa u kew bad bam! To wan! Thied ïa ka waiñ bad ka dud — phin ym hap siew ei ei!

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

SEKHARAÏAH 9:15

U Trai Badonbor Baroh un ïada ïa ki briew jong u, bad kin pynjot ïa ki nongshun jong ki. Kin pyrta ha ka thma kum ki rangbah ba la buaid bad kin pynmih ïa ka snam jong ki nongshun jong ki; kan tuid kum ka snam jong ka jingkñia ba la theh halor ka duwan na ka jingdiang.

SEKHARAÏAH 9:17

Katno kaba bha bad kaba itynnat ka ri kan long! Ki samla kin san kin khlaiñ da u kew bad ka waiñ jong ka.

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

MATHAÏOS 26:29

Nga ong ha phi, ngan ym dih shuh ïa kane ka waiñ tad haduh ka sngi ba nga dih ïa ka waiñ thymmai bad phi ha ka Hima jong U Kpa jong nga.”

MARKOS 14:23

Nangta u shim ïa ka khuri, u la ainguh ha U Blei, bad u la ai ïa ka ha ki; bad baroh ki la dih na ka.

MARKOS 14:25

Nga ong ha phi, ngan ym dih shuh na kane ka waiñ tad haduh kata ka sngi ba nga dih na ka waiñ bathymmai ha ka Hima U Blei.”

MARKOS 15:23

Hangta ki la pyrshang ban ai ïa u ïa ka waiñ ba la khleh bad ka jingdih ba la khot ka mirr, hynrei U Jisu um dih ïa ka.

MARKOS 9:1

Bad u la ong shuh shuh, “Nga ong ïa phi, ki don katto katne ngut hangne ki ban ym ïap haduh ba kin da ïohi ïa ka Hima U Blei ba ka wan ha ka bor.”

LOUKAS 21:31

Ha kajuh ka rukom, haba phi ïohi ïa kine kiei kiei baroh ba ki jia, phin tip ba ka Hima U Blei ka la jan wan.

LOUKAS 22:16

Naba nga ong ha phi, ngan ym bam shuh na ka tad ynda la ai ïa ka jingmut bashisha jong ka ha ka Hima U Blei.”

LOUKAS 9:27

Nga pynthikna ïa phi ba don katto katne ngut hangne ki ban ym ïap tad ynda ki la ïohi ïa ka Hima U Blei.”

KOLOSSAI 1:13

U la pyllait ïa ngi na ka bor jong ka jingdum bad u la wallam ha ka jingsuk ïa ngi sha ka hima jong U Khun ba-ieit jong u,

NONGBISHAR 9:13

Hynrei u dieng sohwaiñ u jubab, ‘Na ka bynta ban synshar ïa phi, ngan hap sangeh ban pynmih ïa ka waiñ jong nga, kaba pynkmen ïa ki blei bad ïa ki khunbynriew.’