LOUKAS 22:17 - Khasi CL Bible (BSI)

¹⁷ Nangta U Jisu u la shim ïa ka khuri, u la ainguh ha U Blei, bad u la ong, “Shim ïa kane bad sam ïa ka hapdeng jong phi.

KA BAIBL

¹⁷ Te u la shim ïa ka khuri, bad haba u la lah nguh de, u la ong, “To shim ïa kane bad to ïasam hi paralok;

LOUKAS 22:17 ပူးပေါင်းရင်းမြစ်များ

SALM 116:13

Ngan wallam ka jingainguh waiñ sha U Trai, ban ainguh ïa u namar ka jingpynim ïa nga.

SALM 23:5

Me pynkhreh ka jingkhawai bah na ka bynta jong nga, ha kaba baroh ki nongshun jong nga kin ïohi ïa nga; me pdiang sngewbha ïa nga kum u nongshahkhot sngewbha badonburom bad pyndap miar ïa ka khuri jong nga.

JEREMAÏAH 16:7

Ym don mano mano ban bam lane dih badno badno ban pyntngen ïa u mynba iba ieit bathoiñ i ïap. Ym don mano mano ban pyn-i jingsngewlem, wat ïa uta uba la duh noh ïa la u kpa lane ïa ka kmie.

MATHAÏOS 14:19

U la hukum ïa ki paidbah ban shong halor u phlang; nangta u la shim ïa ki san tylli ki kpu bad ïa ki ar tylli ki dohkha, u la khmied sha bneng, bad u la ainguh ïa U Blei. U la kdiah ïa ki kpu bad u la ai ïa ki ha ki synran, bad ki synran ki la ai ïa ki ha u paidbah.

MATHAÏOS 15:36

Nangta u la shim ïa ki hynñiew tylli ki kpu bad ki dohkha, u la ainguh ïa U Blei, u la kdiah ïa ki, bad u la ai ïa ki ha ki synran; bad ki synran ki la ai ïa ki ha u paidbah.

MATHAÏOS 26:26

Katba ki dang ïabam, U Jisu u la shim shi lyngkhot u kpu, u la duwai ainguh, u la kdiah ïa u, bad u la ai ïa u ha ki synran jong u. “To shim bad to bam ïa u,” u la ong; “une u long ka met jong nga.”

MARKOS 14:22

Katba ki dang ïabam, U Jisu u la shim ïa u kpu, u la duwai ainguh bad u la kdiah ïa u, bad u la ai ïa u ha ki synran jong u, “Shim ïa u, une u long ka met jong nga” u la ong.

LOUKAS 22:19

Nangta u la shim shi lyngkhot u kpu, bad U la ainguh ha U Blei, U la kdiah ïa u, bad U la ai ïa u ha ki, da kaba ong, “Une u long ka met jong nga, ïa kaba la ai na ka bynta jong phi. To leh ïa kane ban kynmaw ïa nga.”

LOUKAS 9:16

U Jisu u la shim ïa ki san tylli ki kpu bad ar tylli ki dohkha, u la khmied sha bneng, u la ainguh ïa U Blei na ka bynta kita, u la kdiah ïa ki, bad u la ai ïa ki ha ki synran ban sam ha u paidbah.

Ka Shithi U Paul Sha Ki Nong Rom 14:6

Uno uno uba kheiñ kor bha ïa kano kano ka sngi, un leh kumta ha ka jingburom ïa U Trai, uno uno u ban bam ïa kaei kaei, un leh kumta ha ka jingburom ïa U Trai, namar u ainguh ïa U Blei na ka bynta kata ka jingbam. Uno uno uba kyntait ban bam ïa kino kino ki jingbam, un leh kumta ha ka jingburom ïa U Trai bad u ainguh sha U Blei.

1 KORINTH 10:16

Ka khuri kaba ngi pyndonkam ha ka Jingkhawai U Trai bad ïa kaba ngi ainguh ïa U Blei: Haba ngi dih na ka, ngi ïoh bynta lem ha ka snam U Khrist. Bad u kpu uba ngi kdiah: Haba ngi bam ïa u, ngi ïoh bynta lem ha ka met U Khrist.

1 KORINTH 11:23

Naba nga la ïohpdiang na U Trai ïa ka jinghikai kaba nga la ai pateng ha phi: Ba U Trai Jisu, ha kata ka miet ha kaba la shetkylla ïa u, u la shim ïa u kpu, u la ainguh ïa U Blei, u la kdiah ïa u, bad u la ong, “Une u long ka met jong nga, na ka bynta jong phi. To leh ïa kane ban kynmaw ïa nga.”

DEUTERONOMI 8:10

Phin ïoh bam kat ïa kaba phi kwah, bad phin ainguh ïa U Trai U Blei jong phi na ka bynta kata ka ri kaba seisoh ba u la ai ha phi.