LOUKAS 21:8 - Khasi CL Bible (BSI)

⁸ U Jisu u la ong, “Sumar; wat shah shukor. Kiba bun ki rangbah, kiba kam ba ki kren na ka bynta jong nga, kin wan bad ong, ‘Nga long ma u!’ bad, ‘Ka por ka la poi!’ Hynrei wat bud ïa ki.

KA BAIBL

⁸ U la ïathuh te, “To sumar ba yn ym shukor ïa phi; naba bun kin wan ha ka kyrteng jong nga ki da ong, ‘Ma nga U Khrist’, bad ‘kata ka aïom ka la jan’: wat leit bud nadien jong ki.

LOUKAS 21:8 ပူးပေါင်းရင်းမြစ်များ

JEREMAÏAH 29:8

Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

MATHAÏOS 24:11

Nangta shibun ki nongïathuhlypa lamler kin mih bad kin shukor ïa ki briew kiba bun.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 4:17

Naduh kata ka por U Jisu u la sdang ban ïalap ïa ka khubor jong u: “To phai noh na ki pop jong phi, namar ka hima ki bneng ka la jan!”

LOUKAS 17:23

Kin don kito ki ban ong ha phi, ‘Ha khmih, hangtai!’ lane ‘Ha khmih hangne!’ Hynrei wat mih shabar ban wad ïa ka.

LOUKAS 21:7

“Ko Nonghikai,” ki la kylli, “lano kane kan jia? Bad kaei ka ban jia khnang ban pyn-i ba ka por ka la poi ïa ka ba kan jia?”

LOUKAS 21:9

Wat sheptieng haba phi ïohsngew ïa ki thma bad ki jingïakhih pyrshah bor synshar; kiba kum kine ki dei ban jia nyngkong, hynrei kim mut ba kaba kut ka la jan.”

ÏOANNIS 5:43

Nga la wan da ka iktiar U Kpa jong nga; hynrei phim shym la pdiang ïa nga; pynban, haba don uno uno uba wan ha la ka jong ka iktiar, phin pdiang ïa u.

ÏOANNIS 8:24

Dei na kata ka daw nga la ïathuh ïa phi ba phin ïap ha ki pop jong phi. Bad phin ïap ha ki pop jong phi lymda phi ngeit ba ‘Nga long uba nga long’.”

ÏOANNIS 8:28

Kumta u la ong ha ki, “Ynda phi la kyntiew ïa U Khun U Briew, phin sa tip ba nga ‘Nga long uba nga long’; te phin sa tip ba ngam leh ïa kaei kaei ha ka bor jong nga hi, hynrei nga ong ïa kaei kaba U Kpa u la bthah ïa nga ban ong.

1 KORINTH 6:9

Shisha phi tip ba ki bymman kin ym ïohkynti ïa ka Hima U Blei. To wat shukor ïa lade; ki briew kiba awria lane kiba mane ïa ki bleithaw lane kiba klim lane kiba leh khyllah para shynrang

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.

2 ÏOANNIS 1:7

Kiba bun ki nongshukor ki la leit sha ka pyrthei baroh, ki briew ki bym pdiang ba U Jisu Khrist u la wan kum u briew. Kum uta u briew, u long u nongshukor bad u Nongshun jong U Khrist.

JINGPYNPAW 1:3

Suk uta uba pule ïa kane ka kitab, bad suk kito kiba shahshkor ïa ki ktien jong kane ka khubor jong ka jingïathuhlypa bad kiba kohnguh ïa kaei kaba la thoh ha kane ka kitab! Naba ka por ka la jan haba baroh kine kiei kiei kin sa jia.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.