LOUKAS 21:37 - Khasi CL Bible (BSI)

³⁷ U Jisu u la pynlut ïa kita ki sngi da kaba hikai ha ka Templ, bad haba ka janmiet ka la poi, u ju mihnoh shabar bad pynlut ïa ka miet ha u lum ki Olib.

KA BAIBL

³⁷ Bad mynsngi mynsngi u ju hikai ha ka templ, hynrei, mynmiet mynmiet u ju mih noh, bad u sah miet ha u lum ïa uba khot “Olib”.

LOUKAS 21:37 ပူးပေါင်းရင်းမြစ်များ

SEKHARAÏAH 14:4

Ha kata ka por un ïeng halor u lum Olib, ha ka phang mihngi jong ka Jerusalem. Te ïa u lum Olib yn sa kad arliang na mihngi sha sepngi da ka them kaba khraw. Shiteng jong u lumbah un kynriah shaphang shatei bad shiteng jong u shaphang shathie.

MATHAÏOS 21:1

Katba U Jisu bad la ki synran ki la poi hajan ka Jerusalem, ki la wan sha Bethphage ha u lum ki Olib. Hangta U Jisu u la nang phah sha khmat ar ngut na ki synran lem bad kine ki jingbthah:

MATHAÏOS 21:17

U Jisu u la iehnoh ïa ki bad u la mihnoh na ka nongbah sha Bethania, ha kaba u la pynlut ïa ka miet.

MATHAÏOS 26:30

Nangta ki la ïarwai jingrwai bad ki la leit noh sha u lum ki Olib.

MATHAÏOS 26:55

Nangta U Jisu u la kren ha u paidbah, “Hato phi donkam ban wan bad ki waitlam bad ki dieng tangon ban kem ïa nga, la kumba nga dei u riewsniew? Man la ka sngi nga la shong bad hikai hapoh ka Templ, bad phim shym la kem ïa nga.

MARKOS 11:12

Ha ka sngi kaba bud, katba ki dang wan phai pat na Bethania, U Jisu u la sngew thngan.

MARKOS 11:19

Haba la janmiet, U Jisu bad ki synran jong u ki la mihnoh na ka nongbah.

MARKOS 14:49

Man ka sngi nga la don bad phi ban hikai ha ka Templ, bad phim shym la kem ïa nga. Hynrei ki Jingthoh Bakhuid ki dei ban urlong shisha.”

LOUKAS 19:29

Haba u la poi hajan Bethphage bad Bethania ha u lum ki Olib, u la phah ar ngut ki synran sha shuwa lem bad kine ki jingbthah:

LOUKAS 19:37

Haba u la poi hajan ka Jerusalem, ha ka jaka ha kaba ka lynti kaba hiar sha u lum ki Olib, ki paid synran jong u kiba bun bah ki la sdang ban ainguh ïa U Blei bad ïaroh ïa u ha ki sur bajam na ka bynta kiei kiei kiba khraw baroh kiba ki la lah ïohi:

LOUKAS 19:47

Man ka sngi, U Jisu u la hikai ha ka Templ. Ki rangbah lyngdoh, ki nonghikai ka Hukum, bad ki nongïalam jong ki paidbah ki la kwah ban pynïap ïa u,

LOUKAS 22:39

U Jisu u la mihnoh na ka nongbah bad u la leit, kumba u la ju leh, sha u lum ki Olib; bad ki synran ki la leit lem bad u.

ÏOANNIS 12:1

Hynriew sngi shuwa ka Niam Ka Jinglait, U Jisu u la leit sha Bethania, ka shnong u Lasaros, u briew ïa uba U Jisu u la pynmihpat na ka jingïap.

ÏOANNIS 18:2

U Judas, u nongshetkylla, u la tip ha-ei ka don, namar bunsien U Jisu u la ïakynduh hangta bad la ki synran.

KI KAM 1:12

Nangta ki apostol ki la leit phai pat sha Jerusalem na u lum ki Olib, uba jngai kumba shi kilomitar na ka nongbah.