LOUKAS 21:36 - Khasi CL Bible (BSI)

³⁶ Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

KA BAIBL

³⁶ Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

LOUKAS 21:36 ပူးပေါင်းရင်းမြစ်များ

Ka Kitab U Job 27:10

Kin jin da la dei ban kwah ïa ka jingkmen ba u ai; kin jin da la dei ban duwai borabor ïa u.

SALM 1:5

Ïa ki nongpop yn pynrem da U Blei bad yn pynïakhlad ïa ki na ki briew ki jong U Blei hi.

JEREMAÏAH 35:19

Kumta ma nga, U Trai Badonbor Baroh, U Blei ki Israel, nga kular ba u Jonadab u khun jong u Rekhab un don borabor ïa u shynrang u ban hiarpateng ban shakri ïa nga.”

MALAKHI 3:2

Hynrei uei uba lah ban ïai ap ïa ka sngi haba un wan? Uei uba lah ban lait im haba un paw? Un long kum ka sabon basboh bha, kum ka ding kaba phrang ïa ka nar.

MATHAÏOS 24:42

“To sumar, te, namar ba phim tip ha kano ka sngi ba U Trai jong phi un wan.

MATHAÏOS 24:43

Lada u trai ïing u la tip ïa ka por ba u nongtuh un wan, phi lah ban thikna ba un jin da la peitmat bad un ym shah ïa u nongtuh ban prong shapoh ka ïing jong u.

MATHAÏOS 24:44

Kumta te, phi dei ban long kiba ïai pynkhreh, namar ba U Khun U Briew un wan ha ka kynta kaba phim shym khmih lynti ïa u.

MATHAÏOS 25:13

Bad U Jisu u la pynkut, “To sumar bha, te, namar ba phim tip ïa ka sngi lane ïa ka kynta.”

MATHAÏOS 26:41

To ïa-ap bad to duwai ba phin ym hap ha ka jingpynshoi. Ka mynsiem ka mon, hynrei ka doh ka tlot.”

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

MARKOS 13:33

Sumar bha bad peitngor, namar phim tip lano kata ka por kan wan.

MARKOS 13:37

Kaei kaba nga ong ïa phi, te, nga ong ïa baroh: To khmih bha!”

LOUKAS 1:19

“Nga long u Gabriel,” u angel u la jubab. “Nga ïeng ha ka jingdon ryngkat jong U Blei, uba la phah ïa nga ban kren ha me bad ïathuh ha me ïa kane ka khubor babha.

LOUKAS 18:1

Nangta U Jisu u la ïathuh ha la ki synran ïa ka pharshi ban hikai ïa ki ba ki dei ban duwai borabor ban ym noh mynsiem da lei lei ruh.

LOUKAS 20:35

hynrei ki shynrang bad ki kynthei kiba bit ban mihpat na ka jingïap bad ban im ha ki pateng ban wan kin ym shongkurim shuh.

LOUKAS 21:35

Naba kan wan halor ki briew baroh ha kylleng jong ka pyrthei.

KI KAM 10:2

U la long u briew uba riewblei; ma u lem bad ka longïing jong u baroh kawei ki la mane ïa U Blei. U la leh ruh shibun ban ïarap ïa ki Jiw kiba duk bad u ïai duwai ha U Blei.

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

2 KORINTH 4:14

Ngi tip ba U Blei, uba la pynmihpat ïa U Trai Jisu na kiba ïap, un pynmihpat ïa ngi ruh lem bad U Jisu bad un ïalam ïa ngi, ryngkat bad phi, sha ka jingdon ryngkat jong u.

KOLOSSAI 4:2

To ïaineh skhem ha ka jingduwai, bad to sharai haba phi duwai, da kaba ainguh ïa U Blei.

1 THESSALONI 5:17

duwai ha ki por baroh,

2 TIMOTHI 4:5

Hynrei ma me to da sumar adkar ïa lade ha ki jingjia baroh; to ïaishah shitom, trei ïa ka kam u nongïalap jong ka Khubor Babha, bad to pyndep ïa la ka kam baroh kum u shakri jong U Blei.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

1 ÏOANNIS 2:28

Ho-oid, ko ki khun jong nga, to ïaisah ha u, khnang ba ynda u wanpaw, ngin long kiba dap da ka jingshlur bad ngim donkam ban rieh ha ka jinglehrain na u ha ka Sngi kaba u wan.

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —

JINGPYNPAW 11:4

Ki ar ngut ki sakhi ki long ki ar tylli ki dieng Olib bad ki ar tylli ki diengpynïeng sharak kiba ïeng ha khmat U Trai jong ka pyrthei.

JINGPYNPAW 6:17

Ka sngi batriem jong ka jingbitar jong ki ka la poi, bad uei uba lah ban ïeng pyrshah ïa ka?”

JINGPYNPAW 7:9

Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.

JINGPYNPAW 8:2

Nangta nga la ïohi ïa ki hynñiew ngut ki angel kiba ïeng ha khmat U Blei, bad la ai ha ki, hynñiew tylli ki turoi.