LOUKAS 21:24 - Khasi CL Bible (BSI)

²⁴ Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

KA BAIBL

²⁴ Kin kyllon ruh da ka syrti waitlam, bad yn ïalam mraw ïa ki sha ki kynja bynriew baroh; bad kan long ba la ïuh top ïa ka Jerusalem da ki Jentil, tad ynda yn pyndep ïa ka Ïa ki Jentil.

LOUKAS 21:24 ပူးပေါင်းရင်းမြစ်များ

JENESIS 34:26

Nangta ki la ïalam noh ruh ïa ka Dinah na ïing u Shekhem, bad ki ïaleit noh.

EKSODOS 17:13

Da kumta keiñ u Joshua u jop thiaw ïa ki Amalek.

ISAÏAH 5:5

“Kane ka dei kaei kaba ngan leh ïa ka bri sohwaiñ jong nga: Ngan weng noh ïa ka jingker baroh sawdong jong ka, ngan pynpra ïa ka kynroh kaba da ïa ka, ngan shah ïa ki mradkhlaw ban bam ïa ka bad ïuhroit ïa ka.

ISAÏAH 63:18

Ïa ngi, u paidlang uba khuid jong me, la beh noh shabar da ki nongshun jong ngi katto katne por: ki la ïuhroit ïa ka jaka kyntang jong me.

ISAÏAH 66:12

U Trai u ong, “Ngan wallam ha phi ïa ka jingdap kyrhai baneh; ka spah jong ki jaitbynriew kan tuid sha phi kum ka wah, ka bym ju rngad. Phin long kum i khunlung iba la sumar da la ka kmie, ba la rah ha ki ksang'ti jong ka, bad sumar da ka jingieit.

ISAÏAH 66:19

“Hynrei ngan pynsah katto katne na ki bad phah ïa ki sha ki jaitbynriew bad sha ki ri kiba jngai ki bym pat shym la ïohsngew ïa ka nam jong nga lymne ïohi ïa ka jingkhraw bad ka bor jong nga: sha Spain, sha Libya bad sha Lydia, ryngkat bad ki nongrah ryntieh kiba tbit, bad sha Tubal bad sha Gris. Hapdeng kine ki jaitbynriew kin pynbna ïa ka jingkhrawbor jong nga.

SNGEWSYNEI 1:15

“U Trai u rkhiebeiñ ïa baroh ki shipai bakhlaiñ tam jong nga; u la phah ka kynhun shipai ban pynjot ïa ki samla shynrang jong nga. U la pynlwet ïa ki briew jong nga kum ïa ki sohwaiñ ha ka jaka khñiot sohwaiñ.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 8:13

Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

DANIEL 9:27

Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

LOUKAS 21:25

“Kin don kiei kiei kiba phylla ki ban jia ha ka sngi, ha u bnai, bad ha ki khlur. Ha ka pyrthei, ki ri baroh kin don ha ka jingnoh mynsiem, ki tieng ïa ka jingkyrhuh jong ka duriaw bad ïa ka jingkhih phaloh ki jingat phyllung.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

HEBRU 11:34

Ki la set ïa ki shyntur jong ki sing, ki la pynlip ïa ki ding kiba klang, ki la lait im na kaba shah pynïap da ka waitlam. Ki la long kiba tlot, hynrei ki la kylla long kiba khlaiñ; ki la long kiba khlaiñbor ha ka thma bad ki la jop ïa ki kynhun shipai nongwei.

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.