LOUKAS 21:12 - Khasi CL Bible (BSI)

¹² Pynban, ha shuwa ba kine kiei kiei baroh kin jia, ïa phi yn kem bad pynshitom beiñ; yn aiti ïa phi ban shah tian bishar ha ki synagog bad ban shah thep ha ka byndi; yn wallam ïa phi ha khmat ki syiem bad ki nongsynshar na ka bynta jong nga.

KA BAIBL

¹² Hynrei, shuwa ïa kine kiei kiei baroh, kin kem ïa phi bad kin pynshitom ruh ïa phi, ki da ai noh ïa phi ha ki synagog bad ha ki ïing byndi, ki da leit lam ruh ïa phi ha khmat ki syiem bad ki nongsynshar, na ka bynta ka kyrteng jong nga.

LOUKAS 21:12 ပူးပေါင်းရင်းမြစ်များ

MATHAÏOS 22:6

katba kiwei pat ki bat trait ïa ki shakri, ki shoh ïa ki, bad ki la pynïap ïa ki.

MATHAÏOS 24:8

Kine kiei kiei baroh ki long kum ki jingpang banyngkong jong ka jingsuh kha.

LOUKAS 21:11

Yn don ki jingkhynñiuh jumai kiba shyrkhei, ki 'nemsniew, bad ki khlam ha kylleng kylleng; kin don kiei kiei kiba phylla bad kiba pyntriem kiba wan na sahit bneng.

ÏOANNIS 15:20

To kynmaw ïa kaei kaba nga la ong ha phi: ‘U mraw um long kham khraw ban ïa la u Kynrad.’ Lada ki pynshitom ïa nga, kin pynshitom ïa phi ruh; lada ki la kohnguh ïa ka jinghikai jong nga, kin kohnguh ïa ka jong phi ruh.

ÏOANNIS 15:21

Hynrei kin leh ïa kane baroh ïa phi namar ba phi long ki jong nga; naba kim ithuh ïa uta uba la phah ïa nga.

KI KAM 22:30

U rangbah ai hukum u la kwah ban tip thikna ïa kaei ba ki Jiw ki mudui ïa u Paul; kumta ha ka sngi kaba bud u la phah weng noh ïa ki kynjri na u Paul bad u la hukum ïa ki rangbah lyngdoh bad ïa ka Dorbar baroh ban ïakynduh lang. Nangta u la ïalam ïa u Paul bad u la pynïeng ïa u ha khmat jong ki.

KI KAM 5:40

Ki la khot shapoh ïa ki apostol, ki la phah sympat ïa ki, bad hukum ïa ki ban ym kren shuh da lei lei ha ka kyrteng jong U Jisu; bad nangta ki la pyllait noh ïa ki.

KI KAM 8:3

Hynrei u Saul u la pyrshang ban pynjot ïa ka balang, da kaba leit na kawei ka ïing sha kawei pat, u da paring shabar ïa ki riewngeit, shynrang bad kynthei, bad u la thep ïa ki sha ka ïingbyndi.

KI KAM 9:4

U la hap sha madan bad u la ïohsngew ïa ka sur kaba ong ha u, “Saul, Saul! Balei me pynshitom beiñ ïa nga?”

1 PETROS 2:13

Na ka bynta U Trai, to pynkohnguh ïa lade ha ki bor synshar baroh: Ha u Patsha uba long ka bor kaba ha khlieh tam,

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.