LOUKAS 21:10 - Khasi CL Bible (BSI)

¹⁰ U la ïai bteng ban ong, “Ki ri kin ïaleh kawei ïa kawei pat; ki hima kin tur ïaleh kawei ïa kawei pat.

KA BAIBL

¹⁰ Ynda kumta, u la ong ha ki, “Ka jaid bynriew kan ïeng ïaleh bad ka jaid bynriew, ka hima ruh bad ka hima,

LOUKAS 21:10 ပူးပေါင်းရင်းမြစ်များ

ISAÏAH 19:2

U Trai u ong, “Ngan pynkhih ka thma poh-ïing ha Ijipt bad ngan pynphai ïa u para pyrshah ïa u para bad u paramarjan pyrshah ïa u paramarjan. Ki nongbah ba-ïashun kin ïaleh kawei ïa kawei pat, bad ki syiem ba-ïashun kin ïaksaid ban ïoh ïa ka bor.

SEKHARAÏAH 14:13

Ha kata ka por U Trai un pynlong ïa ki ba kin shaïong jingmut bad sheptieng haduh katta ba uwei uwei baroh un kem ïa u briew hajan jong u bad tur ïaleh ïa u.

MARKOS 13:8

Ki ri kin ïaleh para ma ki; ki hima kin tur ïaleh kawei ïa kawei pat. Ki jumai kin khynñiuh ha kylleng, bad kin don ki 'nemsniew. Kine kiei kiei ki long kum ki jingpang suh kha banyngkong.

LOUKAS 21:11

Yn don ki jingkhynñiuh jumai kiba shyrkhei, ki 'nemsniew, bad ki khlam ha kylleng kylleng; kin don kiei kiei kiba phylla bad kiba pyntriem kiba wan na sahit bneng.

LOUKAS 21:9

Wat sheptieng haba phi ïohsngew ïa ki thma bad ki jingïakhih pyrshah bor synshar; kiba kum kine ki dei ban jia nyngkong, hynrei kim mut ba kaba kut ka la jan.”

KI KAM 11:28

Uwei na ki, uba kyrteng u Agabos, u la ïeng joit bad da ka bor jong U Mynsiem u la ïathuh lypa ba ka 'nemsniew bajur kan sa wan ha ka pyrthei baroh kawei. (Ka la wan jia mynba u Klaudius u la long u Patsha.)

HEBRU 12:27

Ki ktien “sa shisien pat” ki pyn-i shai ba ïa kiei kiei kiba la thaw yn pynkhynñiuh bad yn weng noh, khnang ba ïa kiei kiei ki bym lah ban pynkhynñiuh yn pynneh.