LOUKAS 21:1 - Khasi CL Bible (BSI)

¹ U Jisu u la phai sawdong bad u la ïohi ïa ki briew bariewspah ba ki thep ïa ki jingai sngewbha jong ki ha ka jingkynshew ka Templ,

KA BAIBL

¹ Te haba u la khmied, u la ïohi ïa ki bariewspah kiba noh ïa ki jingainguh jong ki ha ka jingkynshew.

LOUKAS 21:1 ပူးပေါင်းရင်းမြစ်များ

1 SYIEM 14:26

U shim lut ïa baroh ki jingkynshew spah kiba don ha ka Templ bad ha ka ïingsyiem, kiba kynthup ïa ki stieh ksiar kiba u Solomon u la thaw.

2 SYIEM 12:9

Te u Jehoïada u shim ïa ka synduk, u ksam thliew ha ka jingtap, bad u buh ïa ka synduk hajan ka duwan, ha ka phang kamon haba rung sha ka Templ. Ki lyngdoh kiba dei treikam ha ka jaka rung ki thep ha ka synduk ïa ka pisa baroh kaba la ai da ki nongwan mane.

2 SYIEM 24:13

bad u la kit sha Babilon ïa baroh ki jingkynshew ha ka Templ bad ïingsyiem. Kumba U Trai u la ïathuhlypa, u Nebukhadnessar u la pynpait ïa baroh ki khiew ki pliang ksiar kiba u syiem Solomon u la thaw na ka bynta ban pyndonkam ha ka Templ.

2 KHRONIKL 36:18

U syiem ka Babilonia u lute ïa ka Templ, ïa ka ïing jingkynshew ka Templ, bad ka spah jong u syiem bad ki rangbah synshar jong u, bad u kit baroh sha Babilon.

NEHEMAÏAH 13:13

Nga buh ïa kine ki rangbah ban khmih ïa ki kamra buh tiar: U Shelemaïah, u lyngdoh; u Sadok, u riewstad ka Hukum; bad u Pedaïah, u Lebi. U Hanan, u khun jong u Sakkur bad u ksiew jong u Mattanaïah, u long u nongïarap jong ki. Nga tip nga lah ban shaniah ïa kine ki rangbah ban lehhok ha kaba sam ïa ki mar sha ki para ba-ïatrei lang.

MATHAÏOS 27:6

Ki rangbah lyngdoh ki la khar ïa ki sbai rupa bad ki la ong, “Kane ka dei ka pisa babit snam, bad ka long pyrshah ïa ka Hukum jong ngi ban buh ïa ka hapoh ka jingkynshew ka Templ.”

LOUKAS 20:47

kiba shim kabu ïa ki riewkynthei bad kiba knieh noh ïa ki ïing jong ki, bad nangta kiba pyn-i paidbah da kaba duwai jlan! Ka jingpynshitom ïa ki kan long kaba kham shyrkhei!”

ÏOANNIS 8:20

U Jisu u la kren ïa kane baroh katba u dang hikai ha ka Templ, ha ka kamra ha kaba la buh ïa ki synduk pdiang jingainguh. Bad ym don mano mano ba la kem ïa u, namar ba ka kynta jong u kam pat poi.

JOSHUA 6:19

Baroh kaba la shna da ka rupa, ka ksiar, ka rnong lane ka nar, la buh kyrpang na ka bynta U Trai. Dei ban buh ïa kata ha ka ïing jingkynshew U Trai.”

JOSHUA 6:24

Nangta ki wiang ding ïa ka nongbah bad ki thang khoit ïa ka, lem bad baroh kiba don ha ka, lait noh kita kiei kiei kiba la shna da ka ksiar, ka rupa, ka rnong bad ka nar, ïa kaba ki la shim bad buh ha ka ïing jingkynshew U Trai.