LOUKAS 20:37 - Khasi CL Bible (BSI)

³⁷ Bad u Moses u pynshisha da kaba shai ba ïa kiba ïap la pynmihpat. Ha ka bynta shaphang ka 'lawlynnong kaba ing u kren shaphang U Trai kum ‘U Blei jong u Abraham, U Blei jong u Isaak, bad U Blei jong u Jakob.’

KA BAIBL

³⁷ Hynrei, ba yn pynmih pat ïa ki baïap, wat u Moses ruh u la pyni paw ha kata ka 'law lynnong, mynba u khot ïa U Trai, uba U Blei u Abraham, bad U Blei u Isaak, bad U Blei u Jakob.

LOUKAS 20:37 ပူးပေါင်းရင်းမြစ်များ

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 28:21

bad lada ngan wan phai pat da kaba suk sha ïing u kpa jong nga, te men long U Blei jong nga.

JENESIS 32:9

Nangta u Jakob u la duwai, “A U Blei jong u parad jong nga u Abraham, bad U Blei jong u kpa jong nga u Isaak, to shahshkor ïa nga! Me la bthah ïa nga, A Trai, ban leit phai pat sha la ka ri bad sha la ki kur ki jait, bad men pynbiang ba kiei kiei baroh kin ïaid beit bad nga.

EKSODOS 3:15

Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

DEUTERONOMI 33:16

To ka ri jong ki kan dap kyrhai da kaba bha baroh, Ba la kyrkhu da ka jingbha U Trai, Uba kren na ka 'lawlynnong kaba mehding. To kine ki jingkyrkhu kin wan ha ka jait u Joseph, Namar u la long u nongïalam ïa la ki hynmen bad para.