LOUKAS 20:10 - Khasi CL Bible (BSI)

¹⁰ Haba ka por ka poi ban lum ïa ki sohwaiñ, u la phah ïa u mraw sha ki nongshimwai ban ïohpdiang na ki ïa la ka bynta na ka jingkheit soh. Hynrei, ki nongshimwai ki shoh ïa uta u mraw bad ki la phah noh thylli ïa u.

KA BAIBL

¹⁰ Te ha ka aïom babiang, u la phah ïa u shakri ha kita ki nongsumar bri, ba kin ïoh ai ha u na ki soh jong kata ka brisoh, hynrei, kita ki nongsumar bri, ki la sympat ïa u, bad ki la phah noh suda.

LOUKAS 20:10 ပူးပေါင်းရင်းမြစ်များ

1 SYIEM 22:24

Nangta u Sedekaïah u nongïathuhlypa u leit kiew sha u Mikaïah, u thab ïa u na ka ngab jong u, bad kylli, “Naduh mynno u mynsiem jong U Trai u iehnoh ïa nga bad u kren ha me?”

2 SYIEM 17:13

U Trai u phah ïa ki nonglamktien bad ki nongïathuhlypa ban maham ïa ki Israel bad Judah: “Iehnoh noh ïa ki lynti kynriang bad kohnguh ïa ki hukum jong nga, ïa kiba la don ha ka Aiñ kaba nga la ai ïa ki kpa tymmen jong phi bad kaba nga la aiti pateng ha phi lyngba ki shakri jong nga bad ki nongïathuhlypa.”

1 KHRONIKL 19:4

U Hanun u kem ïa ki nonglamktien jong u Dabid bad u khi ïa ki 'ñiuhtmoh jong ki, bad ot ïa ki jaiñphong jong ki ha ki syngkai, bad phah noh ïa ki.

2 KHRONIKL 16:10

Kane ka la pynlong ïa u Asa ban bitar haduh katta katta ïa u nongïathuhlypa bad phah teh kynjri ïa u. Ka la long ha kane kajuh ka por ba u Asa u sdang ban lehbeiñ tyngeh ïa katto katne ngut ki briew.

NEHEMAÏAH 9:26

“Hynrei ki briew jong me ki ïaleh pyrshah bad leh bymkohnguh ïa me; ki phai dien noh na ka Hukum jong me. Ki pynïap ïa ki nongïathuhlypa kiba maham ïa ki,

NEHEMAÏAH 9:30

Na kawei ka snem sha kawei pat, ha ka jingïaishah me la maham ïa ki. Me pyrsad mynsiem ïa ki nongïathuhlypa jong me ban kren, hynrei ki briew jong me ki long kyllut, kumta me shah ïa kiwei pat ki jaitbynriew ban jop ïa ki.

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 20:2

u la hukum ba yn tied ïa nga bad ban pyndait kynjri hajan ka Khyrdop Benjamin bashaneng hapoh ka Templ.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 5:24

Phim ju pyrkhat da lei lei ban pyndonburom ïa nga, wat la nga phah ïa u slap synrai bad ïa u slap pyrem bad ai ha phi ïa ka aïom ot man la ka snem.

LOUKAS 13:34

“A Jerusalem, Jerusalem! Pha pynïap ïa ki nongïathuhlypa, pha lynthem maw ïa ki nonglamktien kiba U Blei u la phah sha pha! Katno sien nga la kwah ban kdup ki briew jong pha, kumba ka syiar ka kdup ïa la ki khun hapoh ki thapniang jong ka, hynrei phan ym shah ïa nga!

LOUKAS 20:11

Kumta u la phah sa uwei pat u mraw; hynrei, ki nongshimwai ki shoh ïa une ruh, ki da leh pynjahburom ïa u, bad ki la phah noh thylli ïa u.

LOUKAS 20:9

Nangta U Jisu u la ïathuh ha ki paidbah ïa kane ka pharshi: “La don shisien uwei u briew uba don ka bri sohwaiñ, u la aiwai ha ki nongshimwai, bad nangta u la mihnoh na ïing ban jah kham slem.

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

Ka Shithi U Paul Sha Ki Nong Rom 7:4

Ka long kumta bad phi, ko ki parabangeit jong nga. Ha ka jingïadei bad ka hukum, ma phi ruh phi la ïap namar phi long ka bynta jong ka met U Khrist; bad mynta phi long ki jong u, uta ïa uba la pynmihpat na ka jingïap khnang ba ngi lah ban long kiba U Blei u lah ban pyndonkam na ka bynta ka kam jong u.