LOUKAS 2:9 - Khasi CL Bible (BSI)

⁹ U angel jong U Trai u la mihpaw ha ki, bad ka burom jong U Trai ka la tyngshaiñ halor jong ki. Ki la sngewsheptieng shikatdei eh,

KA BAIBL

⁹ Ha khmih ruh, u angel U Trai u la wan shisyndon ha ki, bad ka burom U Trai ka la tyngshaiñ baroh sawdong ïa ki: te ki la sheptieng shikatdei eh.

LOUKAS 2:9 ပူးပေါင်းရင်းမြစ်များ

1 SYIEM 8:11

uba tyngshaiñ da ka jingshai kaba thaba na ka jingdon U Trai, bad kim shym lah shuh ban leit shapoh ban pyndep ïa ki kamram jong ki.

EKSODOS 16:10

Katba u Aaron u dang kren ha ka kynhun baroh kawei, ki phai shaphang ka ri shyiap, bad kynsan ka jingshai baphyrnai jong U Trai ka la paw ha u lyoh.

EKSODOS 16:7

Ha ka por mynstep phin ïohi ïa ka jingshai baphyrnai jong ka jingdon ryngkat U Trai. U la ïohsngew ïa ki jingkhñium jong phi pyrshah ïa u — ho-oid, pyrshah ïa u, namar ngi te ngi shu kohnguh ïa ki jingbthah jong u.”

ISAÏAH 35:2

Ka ri shyiap kan rwai bad pyrta da ka jingkmen; kan long kaba itynnat kat ki lumbah ka Lebanon bad kaba seisoh kat ki pyntha ka Karmel bad Sharon. Baroh kin ïohi ïa ka jingitynnat U Trai, kin ïohi ïa ka jingkhraw bad ïa ka bor jong u.

ISAÏAH 40:5

Te ïa ka burom jong U Trai yn sa pynpaw, bad baroh ki briew kin ïohi ïa ka. U Trai da lade u la kular ïa kane.”

ISAÏAH 60:1

To khie joit, ko Jerusalem bad tyngshaiñ kum ka sngi; ka burom ka jong U Trai ka tyngshaiñ ha phi!

ESEKIEL 3:23

Kumta nga la leit sha ka them, bad hangta nga ïohi ïa ka burom U Trai, kumba nga la ïohi ïa ka harud ka wah Khebar.

MATHAÏOS 1:20

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

LOUKAS 1:28

U angel u la wan sha ka bad u la ong, “To ka jingsuk kan long lem bad pha! U Trai u long ryngkat bad pha bad u la kyrkhu eh ïa pha!”

LOUKAS 2:8

La don katto katne ngut ki nongap langbrot ha kata ka bynta jong ka ri kiba la sahmiet ha ki lum, da kaba sumar ïa ki kynhun langbrot jong ki.

LOUKAS 24:4

Ki la ïeng hangta, ki la shaïong shaphang kane, haba kynsan ar ngut ki rangbah ha ki jaiñ kiba phyrnai eh ki la ïeng hajan jong ki.

ÏOANNIS 12:41

U Isaïah u la ong ïa kane namar u la ïohi ïa ka burom U Jisu bad u la kren shaphang jong u.

KI KAM 12:7

Kynsan u angel jong U Trai u la ïeng hangta, bad ka jingshai ka la thaba hapoh ka kamra byndi. U angel u la pynkhih ïa u Petros na ka tyrpeng, u la kyrsiew ïa u, bad u la ong, “Pynkloi! Khie joit!” mar kumta hi ki kynjri ki la hap na ki kti jong u Petros.

KI KAM 27:23

Namar mynhynne ka miet u angel jong U Blei ha uba nga long bad ïa uba nga mane u la wan sha nga bad u la ong,

KI KAM 5:19

Hynrei ha kata ka miet u angel jong U Trai u la plie ïa ki khyrdop ka byndi, u la ïalam shabar ïa ki apostol, bad u la ong ha ki,

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

HEBRU 12:21

Kaei kaba la ïohi ka long kaba sngewtriem katta katta ba u Moses u la ong, “Nga la khynñiuh bad nga la sheptieng!”

JINGPYNPAW 18:1

Hadien kane nga la ïohi ïa uwei pat u angel uba wan hiar na bneng. U la don ka bor bakhraw, bad ka jingphyrnai jong u ka la pynthaba ïa ka pyrthei baroh kawei.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.