LOUKAS 2:40 - Khasi CL Bible (BSI)

⁴⁰ U khynnah u la san bad u la nang khlaiñ; u la dap da ka jingstad, bad ki jingkyrkhu U Blei ki la long halor jong u.

KA BAIBL

⁴⁰ Te uta u khynnah u la nang san, u la nang khraw bor ruh ha ka mynsiem, ba la pyndap ïa u da ka jingstad: bad ka jingaiei U Blei ka la don ha u.

LOUKAS 2:40 ပူးပေါင်းရင်းမြစ်များ

SALM 22:9

Dei ma me uba la pyllait ïa nga na ka jingmynsaw ha ka por ba kha ïa nga, bad mynba nga dang long u khunlung, me sumar bha ïa nga.

SALM 45:2

Me long uba bhabriew tam napdeng ki rangbah; me long u nongkren uba tbit. U Blei u la kyrkhu borabor ïa me.

LOUKAS 1:80

U khynnah u la nang san bad nang khraw ha ka met bad ka mynsiem. U la shong la sah ha ka ri shyiap tad haduh ka sngi ba u la paw paidbah ha ki paid Israel.

LOUKAS 2:47

Baroh kiba la ïohsngew ïa u ki la sngewlyngngoh ïa ki jingjubab bastad jong u.

LOUKAS 2:52

U Jisu u la nang san ha ka met bad ha ka jingstad, da kaba ïoh ïa ka jingsngewbha bad U Blei lem bad ki briew.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

KI KAM 4:33

Da ka bor bakhraw ki apostol ki la sakhi ïa ka jingmihpat jong U Trai Jisu, bad U Blei u la theh ki jingkyrkhu ba-dap kyrhai ha ki baroh.

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

NONGBISHAR 13:24

Kata ka briew ka kha ïa u khun shynrang bad ka ai kyrteng ïa u, u Samson. Uta u khunlung u la nang san bad U Trai u la kyrkhu ïa u.

1 SAMUEL 2:18

Ha kata ka por u khynnah Samuel u ïai shakri ïa U Trai, u da phong da ka sopti-lor da ka jaiñ linen kaba kyntang.

1 SAMUEL 2:21

U Trai u da kyrkhu shisha ïa ka Hannah, bad ka ïoh sa lai ngut ki khun shynrang bad ar ngut ki khun kynthei. Uta u khynnah Samuel, u nang san ha kaba shakri ïa U Trai.

1 SAMUEL 2:26

Uta u khynnah Samuel, u nang san bad u nang shem ïa ka jingsngewbha na U Trai bad na ki briew.

1 SAMUEL 3:19

Katba u Samuel u nang san, U Trai u la don ryngkat bad u, bad u pynurlong ïa baroh kaba u Samuel u ong.