LOUKAS 2:4 - Khasi CL Bible (BSI)

⁴ U Joseph ruh u la leit na ka shnong Nasareth, kaba ha Galilaïa sha ka shnong Bethlehem ha Judia, ka jaka ha kaba la kha ïa syiem Dabid. U Joseph u la leit shata namar u la long uba hiarpateng na u Dabid.

KA BAIBL

⁴ Te u Joseph ruh u la leit kiew na Galilaïa, na ka shnong Nasaret, sha Judia, sha ka shnong u Dabid, ïa kaba la khot “Bethlehem” (namar ba u long na ka ïing bad na ka jaid u Dabid):

LOUKAS 2:4 ပူးပေါင်းရင်းမြစ်များ

JENESIS 35:19

Haba ka Rakhel ka la ïap, la tep ïa ka harud ka lynti kaba leit sha Ephrath, ïa kaba la tip mynta kum ka Bethlehem.

JENESIS 48:7

Dei na ka bynta ka Rakhel ka kmie jong me ba nga leh ïa kane. Nga sngewsih eh ba ka la ïap noh ha ri Kanaan, hajan Ephrath, katba ngi dang ïawan phai na Mesopotamia. Nga la tep ïa ka hangta harud ka lynti kaba leit sha Ephrath.” (Ïa ka Ephrath la tip mynta kum ka Bethlehem.)

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MATHAÏOS 1:20

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

MATHAÏOS 2:23

bad u la shong la sah noh ha ka shnong kaba kyrteng ka Nasareth. Bad kumta kaei kaba ki nongïathuhlypa ki la lah ong ka la urlong shisha: “Yn khot ïa u, u nong Nasareth.”

LOUKAS 2:3

Uwei uwei baroh, te, u la leit ban ai kyrteng ïa lade, uwei uwei sha la ka jong hi ka shnong.

LOUKAS 2:5

U la leit ban thoh kyrteng lem bad ka Mari, kaba la ïatehktien bad u.

LOUKAS 4:16

Nangta U Jisu u la leit sha Nasareth, ha kaba la pynheh pynsan ïa u, bad ha ka sngi Sabbaton u la leit sha ka synagog kumba ju long. U la ïeng ban pule ïa Ki Jingthoh Bakhuid,

ÏOANNIS 1:46

“Hato kano kano kaba bha ka lah ban mih na Nasareth?” U Nathanael u la kylli. “To wan bad khmih,” la jubab u Philip.

ÏOANNIS 7:42

Ka Jingthoh Bakhuid ka ong ba U Messaïah un long uba hiarpateng na u Syiem Dabid bad yn kha ïa u ha Bethlehem, ka shnong ha kaba u Dabid u la im.”

RUTH 1:19

Ki ïaid shaphrang haduh ba kin da poi ha Bethlehem. Haba ki la poi hangta, ka shnong baroh kawei ka la sngewkmen, bad ki kynthei kiba hangta ki la pyrta, “Hato kane ka dei shisha ka Naomi?”

RUTH 2:4

Hadien katto katne por u Boas da lade hi u wan poi na Bethlehem bad u ai khublei ïa ki nongtrei. “To U Trai un long ryngkat bad phi!” u ong. “U Trai u kyrkhu ïa phi!” ki jubab.

RUTH 4:11

Ki nongïalam bad kita kiwei ki ong, “Ho-oid, ngi long ki sakhi. To U Trai un pynlong ïa ka tnga jong phi kum ka Rakhel bad ka Leah, kiba la kha bun ngut ki khun ïa u Jakob. To phin long uba riewspah ha ka kur Ephrath bad uba pawnam ha Bethlehem.

RUTH 4:17

Ki kynthei kiba sah marjan ki pynkyrteng ïa uta u khynnah, u Obed. Ki ïathuh ïa uwei pa uwei, “La kha khun shynrang ïa ka Naomi!” U Obed u kylla long u kpa jong u Jesse, uba long u kpa jong u Dabid.

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 16:4

U Samuel u leh ïa kaei kaba U Trai u la ong ha u ban leh bad u leit sha Bethlehem, ha kaba ki nongïalam jong kata ka nongbah ki wan da kaba kyiuh ban ïakynduh ïa u bad ki kylli, “Hato kane ka long ka jingwan jngoh ha ka jingsuk, ko nongïohipaw?”

1 SAMUEL 17:12

U Dabid u dei u khun jong u Jesse, uba dei u nong Ephrath na Bethlehem kaba ha Judah. U Jesse u don phra ngut ki khun shynrang, bad ha ka por ba u Saul u long syiem, u la tymmen bha.

1 SAMUEL 17:58

U Saul u kylli ïa u, “Ko samla, me dei u khun jongno?” “Nga dei u khun jong u shakri jong phi, u Jesse, uba na Bethlehem,” U Dabid u jubab.

1 SAMUEL 20:6

Lada i pa jong phi i shem ba ngam don lang ha ka miej bam, ïathuh ïa i ba nga la pan jingbit na phi ban leit sha la ïing ha Bethlehem, namar ba ka dei ka por jong ka jingkñia ainguh ba shisien shisnem hangta ïa ki ba-ha-ïing ha-sem jong nga baroh.