LOUKAS 2:34 - Khasi CL Bible (BSI)

³⁴ U Simeon u la kyrkhu ïa ki bad u la ong ha ka Mari, ka kmie jong u, “Ïa une u khunlung la jied da U Blei na ka bynta ka jingpynjot bad ka jingpynim ïa kiba bun ha Israel. Un long ka dak na U Blei ïa kaba kiba bun ki briew kin kren pyrshah bad kumta un pynpaw ïa ki jingpyrkhat barieh jong ki.

KA BAIBL

³⁴ U Simeon u la kyrkhu ïa ki ruh, bad u la ong ha ka Mari ka kmie jong U, “Ha khmih, la buh ïa une ïa ka ban long ka jingkyllon bad ka jingïeng ïa ki shibun ha Israel, bad ïa ka dak ruh ïa ka ban kren pyrshah;

LOUKAS 2:34 ပူးပေါင်းရင်းမြစ်များ

JENESIS 14:19

u la kyrkhu ïa u, bad u ong, “To U Blei Bahakhlieh Tam Eh, u nongthaw ïa ka bneng bad ïa ka khyndew, un kyrkhu ïa u Abram!

JENESIS 47:7

Nangta u Joseph u wan ïalam ïa u Jakob u kpa jong u bad u pynithuh ïa u ha u syiem. U Jakob u kyrkhu kyrdoh ïa u syiem,

EKSODOS 39:43

U Moses u bishar bniah ïa ka kam baroh bad u ïohi ba ki la leh ïa ka kumba U Trai u la hukum. Kumta u Moses u kyrkhu ïa ki.

ISAÏAH 8:18

Nga don hangne bad ki khun kiba U Blei u la ai ha nga. U Trai Badonbor Baroh, uba ka khet jong u ka long halor u Lum Seïon, u la phah ïa ngi kum ki khubor ba-im sha ki paid Israel.

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

MATHAÏOS 11:19

Haba U Khun U Briew u la wan, u la bam bad u la dih, bad uwei uwei baroh u la ong, ‘Ha khmih ïa une u briew! U long uba lalot bad u nongdih, u paralok jong ki nonglum khajna bad kiwei pat kiba la shah kyntait!’ Pynban, ïa ka jingstad Blei la pyn-i ba ka long kaba shisha da kiba mih na ka.”

MATHAÏOS 12:46

U Jisu u dang kren ha ki briew mynba ka kmie bad ki para shynrang jong u ki la wan poi. Ki la ïeng shabar, ki da kyrpad ban ïoh kren ïa u.

MATHAÏOS 21:44

Uno uno uba hap halor une u maw un shah ot lyngkhot; bad lada u maw u hap halor uno uno, un pynlwet jin ïa uta.

MATHAÏOS 27:63

bad ki la ong, “Ko Kynrad, ngi kynmaw ba katba uta u nongshukor u dang im u la ong, ‘Yn sa pynmihpat ïa nga hadien lai sngi.’

LOUKAS 2:35

Bad ka jingsngewsih, kum ka waitlam banep, kan pynlwet ïa ka dohnud jong pha hi.”

ÏOANNIS 3:20

Uno uno uba leh ïa kiei kiei kiba sniew u isih ïa ka jingshai bad un ym wan sha ka jingshai, namar um kwah ba ïa ki kam sniew jong u yn paw.

ÏOANNIS 5:18

Kane ka jingong ka la pynlong ïa ki nongsynshar jong ki Jiw ba kin nang wad dong shuh shuh ban pynïap ïa u; ym tang ba u la pynkheiñ ïa ka hukum Sabbaton, hynrei ba u la ong ba U Blei hi u dei U Kpa jong u bad da kumne u la pynlong ïa lade uba ïaryngkat bad U Blei.

KI KAM 13:45

Haba ki Jiw ki la ïohi ïa ki paidbah, ki la dap da ka jingpihuiñ; ki la ïania ïa kaei kaba u Paul u la kren bad ki la krenbeiñ ïa u.

KI KAM 17:6

Hynrei haba kim shym lap ïa ki, ki la paring ïa u Jason bad ïa ki katto katne ngut kiwei pat ki parabangeit ha khmat ki bor synshar jong ka nongbah bad ki la pyrta, “Kine ki briew ki la thaw jingkulmar kylleng kylleng! Mynta ki la wan sha ka nongbah jong ngi, bad u Jason u la pynsah ïa ki ha ka ïing jong u.

KI KAM 24:5

Ngi la shem ïa une u briew ba u long ka jingpynwit kaba shyrkhei; u sdang ïa ka jingkhihwin hapdeng ki Jiw ha kylleng jong ka pyrthei bad u long u nongïalam jong ka kynhun kaba na Nasareth.

KI KAM 28:22

Hynrei ngi kwah ban ïohsngew ïa ki jingpyrkhat jong me, namar ngi tip ba kylleng sawdong ki briew ki kren pyrshah ïa kane ka kynhun ha kaba me, me don.”

KI KAM 4:26

Ki syiem jong ka pyrthei ki la pynkhreh ïa lade, bad ki nongsynshar ki la ïakynduh lang pyrshah ïa U Trai bad ïa U Messaïah jong u.’

KI KAM 6:7

Bad kumta ka ktien U Blei ka la ïai saphriang. Ka jingdon jong ki synran ha Jerusalem ka la nang kiew bad nang kiew, bad bun bah ki lyngdoh ki la pdiang ïa ka jingngeit.

Ka Shithi U Paul Sha Ki Nong Rom 9:32

Bad balei kam shym la long kumta? Namar kim shym la shaniah ha ka jingngeit hynrei ha kaei kaba ki la leh. Bad kumta ki la jynthut ha “U maw jong ka jingjynthut”

1 KORINTH 1:23

Katba ma ngi, ngi pynbna ïa U Khrist ba la sahnarphna, ka khubor kaba long ka jingpynwit ha ki Jiw bad kaba ibieit ha ki Jentil; hynrei ha kito ïa kiba U Blei u la khot, ki Jiw bad ki Grik ruh, kane ka khubor ka long U Khrist, uba long ka bor U Blei bad ka jingstad U Blei.

HEBRU 7:1

Une u Melkhisedek u la long u syiem jong ka Salem bad u lyngdoh jong U Blei Bahakhlieh Tam Eh. Katba u Abraham u dang wan phai na ka thma ha kaba u la jop ïa ki saw ngut ki syiem, u Melkhisedek u la ïakynduh ïa u bad u la kyrkhu ïa u,

HEBRU 7:7

Ym don jingartatien ba uta uba kyrkhu u kham khraw ban ïa uta uba shah kyrkhu.

1 PETROS 4:14

Suk ma phi haba phi shah krenbeiñ namar ba phi long ki nongbud jong U Khrist; kane ka mut ba U Mynsiem ka burom, U Mynsiem jong U Blei, u don ha phi.

1 SAMUEL 2:20

Nangta u Eli u ju kyrkhu ïa u Elkanah bad ka tnga jong u, bad u ong ha u Elkanah, “To U Trai un ai shuh ki khun ïa phi na kane ka briew ha ka jaka uta uba phi la aiti sha u.” Hadien kata ki sa leit phai sha la ïing.