LOUKAS 2:11 - Khasi CL Bible (BSI)

¹¹ Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

KA BAIBL

¹¹ naba ha kane ka sngi la kha ïa phi, ha ka shnong u Dabid, ïa U Nongpynim, uba long U Khrist uba U Trai:

LOUKAS 2:11 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 2:2

Ki syiem jong ki, ki ïeng pyrshah, ki nongsynshar jong ki, ki ïasylla lang pyrshah ïa U Trai bad pyrshah ïa u syiem uba u la jied.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

MATHAÏOS 1:21

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

MATHAÏOS 16:20

Nangta U Jisu u la hukum ïa ki synran jong u ban ym ïathuh hano hano ba u long U Messaïah.

LOUKAS 1:43

Balei kane ka jingjia bakhraw ka wan jia ha nga, ba ka kmie jong U Trai jong nga ka wan ban jngoh ïa nga?

LOUKAS 1:69

U la ai ha ngi ïa U Nongpynim bakhrawbor, uba hiarpateng na u Dabid u shakri jong u.

LOUKAS 2:26

U Mynsiem Bakhuid u la don bad u bad U la pynthikna ïa u ba un ym ïap ha shuwa ba un ïohi ïa U Messaïah ba la kular jong U Trai.

LOUKAS 2:4

U Joseph ruh u la leit na ka shnong Nasareth, kaba ha Galilaïa sha ka shnong Bethlehem ha Judia, ka jaka ha kaba la kha ïa syiem Dabid. U Joseph u la leit shata namar u la long uba hiarpateng na u Dabid.

ÏOANNIS 1:41

Mar kumta u la shem ïa u Simon, u para jong u bad u la ong ha u, “Ngi la shem ïa u Messaïah.” (Kane ka kyntien ka mut “U Khrist”.)

ÏOANNIS 1:45

U Philip u la shem ïa u Nathanael bad u la ong ïa u, “Ngi la shem ïa uta ïa uba u Moses u la thoh ha ka kitab jong ka Hukum bad ïa uba ki nongïathuhlypa ruh ki la thoh shaphang jong u. U long U Jisu, u khun jong u Joseph, uba na Nasareth.”

ÏOANNIS 11:27

“Ho-oid, ko Trai!” ka la jubab. “Nga ngeit ba me long U Messaïah, U Khun U Blei, u ban sa wan sha ka pyrthei.”

ÏOANNIS 20:31

Hynrei ïa kine la thoh khnang ba phin ïoh ngeit ba U Jisu u long U Messaïah, U Khun U Blei, bad da kaba ngeit ha u phin ïoh ïa ka jingim.

ÏOANNIS 4:25

Kata ka briew ka la ong ha u, “Nga tip ba U Messaïah un sa wan, bad haba u wan, un sa ïathuh ha ngi ïa kiei kiei baroh.”

ÏOANNIS 4:42

“Ngi ngeit mynta, ym namar kaei kaba pha la ïathuh, hynrei namar ma ngi hi da lade ngi la ïohsngew ïa u, bad ngi tip ba une da shisha u long u Nongpynim jong ka pyrthei.”

ÏOANNIS 6:69

Bad mynta ngi ngeit bad ngi tip ba me long uta U Bakhuid uba la wan na U Blei.”

ÏOANNIS 7:41

Kiwei pat ki la ong, “U dei U Messaïah!” Hynrei kiwei ki la ong, “U Messaïah un ym wan na Galilaïa?

KI KAM 10:36

Phi tip ïa ka khubor kaba u la phah sha ki paid Israel, da kaba pynbna ïa ka Khubor Babha jong ka jingsuk lyngba U Jisu Khrist, uba long U Trai jong baroh.

KI KAM 13:23

U la dei U Jisu, uba hiarpateng na u Dabid, ïa uba U Blei u la pynlong u Nongpynim ïa ki paid Israel, kumba u la lah kular.

KI KAM 17:3

da kaba sot bad batai ïa ki Jingthoh Bakhuid bad pynshisha na ki ba U Messaïah u la dei ban shahshitom bad ban mihpat na ka jingïap. “Une U Jisu ïa uba nga pynbna ha phi, u dei U Messaïah,” u Paul u la ong.

KI KAM 2:36

“Baroh ki paid Israel, te, ki dei ban tip da kaba thikna ba une U Jisu, uba phi la sahnarphna, u dei uta uba U Blei u la pynlong U Trai bad U Messaïah!”

KI KAM 5:31

U Blei u la kyntiew ïa u sha ka liang kamon jong u kum u Nongïalam bad u Nongpynim, ban ai ha ki paid Israel ka kabu ban kylla-kaba-mut bad ban ïoh ka jingmap ïa ki pop jong ki.

1 KORINTH 15:47

Ïa u Adam uba nyngkong, la thaw na ka dewmet, ba la wan na ka khyndew; u Adam uba ar u la wan na bneng.

PHILIPPI 2:11

bad baroh kin pynbna shynna ba U Jisu Khrist u long U Trai, ïa ka burom U Blei uba U Kpa.

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

KOLOSSAI 2:6

Naduh ba phi la pdiang ïa U Khrist Jisu kum U Trai, to im ha u.

1 ÏOANNIS 4:14

Bad ngi la ïohi bad ïathuh ha kiwei ba U Kpa u la phah ïa la U Khun ban long U Nongpynim jong ka pyrthei.

1 ÏOANNIS 5:1

Uno uno uba ngeit ba U Jisu u long U Messaïah, u long u khun U Blei; bad uno uno uba ieit ïa u kpa, u ieit ïa u khun jong u ruh.