LOUKAS 2:10 - Khasi CL Bible (BSI)

¹⁰ hynrei u angel u la ong ha ki, “To wat sheptieng! Nga don hangne lem bad ka khubor babha na ka bynta jong phi, ka ban wanrah ka jingkmen kaba khraw ha ki briew baroh.

KA BAIBL

¹⁰ Hynrei, uta u angel u la ong ha ki, “Wat sheptieng; naba ha khmih, nga wallam ha phi ïa ka khubor babha ka jingkmen bakhraw ka ban long ha ki briew baroh:

LOUKAS 2:10 ပူးပေါင်းရင်းမြစ်များ

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

ISAÏAH 40:9

Ko Jerusalem, leit kiew sha u lumbah bajrong bad to pynbna ïa ka khubor babha! To kyang da ka sur bajam, ko Seïon; to pynbna ka khubor babha! To kren bad wat sheptieng. Ïathuh ïa ki shnong ka Judah ba U Blei jong ki u la wan!

ISAÏAH 41:27

Nga, U Trai, nga long uba nyngkong ban ïathuh ïa ka Seïon ïa ka khubor; nga phah ïa u nonglamktien sha Jerusalem ban ong, ‘Ki briew jong phi ki wan! Ki wan sha ïing!’

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

ISAÏAH 52:7

Katno ka long kaba phylla ban ïohi ïa u nonglamktien ba u wan na ki lumbah, u wanrah ïa ka khubor babha, ka khubor jong ka jingsuk! U pynbna ïa ka jingjop bad u ong ïa ka Seïon, “U Blei jong phi u long u syiem!”

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

DANIEL 10:19

U la ong, “U Blei u ieit ïa me, kumta wat ai ba kano kano kan pynkhuslai ïa me lane pynsheptieng ïa me.” Haba u la ong ïa kane, nga la nang kham sngewkhlaiñ shuh shuh bad ong, “Ko rangbah, to ïathuh ha nga ïa kaei kaba phi don ban ong. Phi la pynlong ïa nga ban kham sngewkhlaiñ.”

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 14:27

U Jisu u la kren ha ki shisyndon. “To long shlur!” u la ong. “Dei ma nga. To wat sheptieng!”

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

MATHAÏOS 28:5

U angel u la kren ha ki kynthei. “Phim dei ban sheptieng,” u la ong. “Nga tip phi ïawad ïa U Jisu, uba la shah sahnarphna.

MARKOS 1:15

“Ka por kaba dei ka la poi,” u ong, “bad ka Hima U Blei ka la hajan! To phai noh na ki pop jong phi bad ngeit ïa ka Khubor Babha!”

MARKOS 16:15

U la ong ïa ki, “Leit sha ka pyrthei baroh kawei bad ïalap ïa ka Gospel sha ki jaitbynriew baroh.

LOUKAS 1:13

Hynrei u angel u la ong ha u, “Wat sheptieng, ko Sekharaïah! U Blei u la shahshkor ïa ka jingduwai jong me, bad ka Elisabeth ka tnga jong me kan kha u khun ïa me. Men kyrteng ïa u, u Ïoannis.

LOUKAS 1:19

“Nga long u Gabriel,” u angel u la jubab. “Nga ïeng ha ka jingdon ryngkat jong U Blei, uba la phah ïa nga ban kren ha me bad ïathuh ha me ïa kane ka khubor babha.

LOUKAS 1:30

U angel u la ong ha ka, “To wat sheptieng, ko Mari; U Blei u la sngewbha ïa pha.

LOUKAS 2:11

Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

LOUKAS 8:1

Katto katne por hadien, U Jisu u la leit jingleit lyngba ki shnong bad ki nongrit, u da ïalap ïa ka Khubor Babha shaphang ka Hima U Blei. Ki khat-ar ngut ki synran ki la ïaleit bad u,

KI KAM 13:32

Bad ngi don hangne ban wallam ïa ka Khubor Babha sha phi: Ïa kaei kaba U Blei u la kular ïa ki kpa tymmen jong ngi ba un leh, u la pyndep mynta na ka bynta jong ngi, kiba long ki khun ki ksiew jong ki, da kaba pynmihpat ïa U Jisu. Kumba la thoh ha ka Salm kaba ar: “ ‘Me long U Khun jong nga; ha kane ka sngi nga la long U Kpa jong me.’ ”

Ka Shithi U Paul Sha Ki Nong Rom 10:15

Bad kumno ïa ka khubor lah ban pynbna lada ïa ki nongrah-khubor ym shym la phah? Kumba ka Jingthoh Bakhuid ka ong, “Katno ka long kaba phylla ka jingwan jong ki nongrah-khubor kiba wallam ïa ka khubor babha!”

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.