LOUKAS 19:47 - Khasi CL Bible (BSI)

⁴⁷ Man ka sngi, U Jisu u la hikai ha ka Templ. Ki rangbah lyngdoh, ki nonghikai ka Hukum, bad ki nongïalam jong ki paidbah ki la kwah ban pynïap ïa u,

KA BAIBL

⁴⁷ U la ju hikai ha la ka sngi ruh ha kata ka templ. Hynrei, ki rangbah lyngdoh, bad ki nongthoh, bad kiba kham rangbah na u paidbah, ki la ïawad dong ban pynïap noh ïa U:

LOUKAS 19:47 ပူးပေါင်းရင်းမြစ်များ

MATHAÏOS 21:23

U Jisu u la wan pat sha ka Templ; bad katba u dang hikai, ki rangbah lyngdoh bad ki tymmen ki san ki la wan sha u bad ki la kylli, “Me don hok aïu ban leh ïa kine kiei kiei? Mano ba ai ha me ïa kane ka hok?”

MATHAÏOS 26:55

Nangta U Jisu u la kren ha u paidbah, “Hato phi donkam ban wan bad ki waitlam bad ki dieng tangon ban kem ïa nga, la kumba nga dei u riewsniew? Man la ka sngi nga la shong bad hikai hapoh ka Templ, bad phim shym la kem ïa nga.

MARKOS 11:18

Ki rangbah lyngdoh bad ki nonghikai ka Hukum ki la ïohsngew ïa kane, kumta ki la sdang ban ïawad da kano ka lad ban pynïap noh ïa U Jisu. Ki la sheptieng ïa u, namar uta u paidbah baroh u la sngewphylla ïa ka jinghikai jong u.

MARKOS 12:12

Ki nongïalam jong ki Jiw ki la pyrshang ban kem ïa U Jisu, namar ki la tip ba u la ong ïa kane ka pharshi pyrshah ïa ki. Hynrei ki la sheptieng ïa u paidbah, kumta ki la iehnoh ïa u bad ki la leit noh.

MARKOS 14:1

Ka la long mynta ar sngi shuwa ka Jingkhawai Niam Ka Jinglait bad U Kpu Bakhlem Thiat. Ki rangbah lyngdoh bad ki nonghikai ka Hukum ki la wad ka lad ban kem jar jar ïa U Jisu bad ban pynïap ïa u.

MARKOS 14:49

Man ka sngi nga la don bad phi ban hikai ha ka Templ, bad phim shym la kem ïa nga. Hynrei ki Jingthoh Bakhuid ki dei ban urlong shisha.”

LOUKAS 19:48

hynrei kim shym shem ka lad ban leh ïa kata, namar baroh ki briew ki la ïai shahshkor ïa u, kim kwah ban duh noh wat kawei ka kyntien.

LOUKAS 20:19

Ki nonghikai ka Hukum bad ki rangbah lyngdoh ki la pyrshang ban kem ïa U Jisu hangta hi, namar ki la tip ba u la ïathuh ïa kane ka pharshi pyrshah ïa ki; hynrei ki la ïasheptieng ïa ki paidbah.

ÏOANNIS 10:39

Sa shisien ki la pyrshang ban kem ïa U Jisu, hynrei u la lait noh na ki kti jong ki.

ÏOANNIS 18:20

U Jisu u la jubab, “Nga la ju kren ha kaba paw ha baroh; ki jinghikai jong nga baroh ki la long ha ki synagog bad ha ka Templ, ha kaba ki briew baroh ki ïawanlang. Ngam ju ong ïa kano kano ha kaba rieh.

ÏOANNIS 7:19

U Moses u la ai ha phi ïa ka Hukum, hato ym dei kumta? Hynrei ym don uwei na phi uba kohnguh ïa ka Hukum. Balei ba phi pyrshang ban pynïap ïa nga?”

ÏOANNIS 7:44

Don kiba la kwah ban kem ïa u, hynrei ym don uba ktah kti ïa u.