LOUKAS 19:44 - Khasi CL Bible (BSI)

⁴⁴ Kin pynjot thiaw ïa pha bad ïa ki briew kiba hapoh ki kynroh jong pha; yn ym pynsah wat uwei ruh u maw ha ka jaka ba u don, namar ba pham shym ithuh ïa ka por mynba U Blei u la wan ban pynim ïa pha!”

KA BAIBL

⁴⁴ bad kin ïa-pynkyllon ïa pha bad ïa ki khun jong pha hapoh jong pha, bad kin ym ïa-iehnoh ha pha ïa u maw halor u maw; naba pham shym la ithuh ïa ka aïom ka jingwan jngoh ïa pha.”

LOUKAS 19:44 ပူးပေါင်းရင်းမြစ်များ

SALM 137:9

kiba shim ïa ki khunlung jong pha bad lynthaw ïa ki ha u mawsiang.

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ISAÏAH 29:3

U Blei un tur ïaleh ïa ka nongbah, un don sawdong jong ka bad un kerkut ïa ka.

JEREMAÏAH 11:23

Nga la buh ka por ïa ka ban wallam ka jingpynjot ha ki briew jong ka Anathoth, bad haba kata ka por ka wan, yn ym don mano mano ruh na ki u ban lait im.”

SNGEWSYNEI 1:8

Ka burom jong ka, ka la leit noh; ka la lyngkhuit bad ka la don ha ka jingshah ñiewbeiñ. Ka ud bad ka buhrieh ïa la ka durkhmat ha ka jinglehrain. Ka Jerusalem ka la pynjakhlia ïa lade da ka pop kaba shyrkhei.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

MATHAÏOS 24:2

“Ho-oid,” u la ong, “phi lah ban khmih ïa kine baroh. Nga ong ha phi ïa kane: Yn ym don uwei u maw hangne u ban dang neh ha la ka jaka; uwei pa uwei na ki un shah pynhap.”

MARKOS 13:2

U Jisu u la jubab “Phi ïoh kine ki jingtei bakhraw? Ïa uwei u maw ruh yn ym iehnoh ha ka jaka jong u; ïa uwei pa uwei na ki yn sa pynkhyllem noh.”

LOUKAS 1:68

“To ngin ïaroh ïa U Trai, U Blei jong ki Israel! U la wan ïa ka ban ïarap ïa ki briew jong u bad ban pyllaitluid ïa ki.

LOUKAS 1:78

U Blei jong ngi u long uba dap da ka jingisynei bad uba jemnud. Un pynlong ïa ka step baphyrnai jong ka jingpynim ban mih ha ngi

LOUKAS 19:42

“Lada phan jin da la tip mynta ïa kaei kaba donkam na ka bynta ka jingsuk! Hynrei mynta pham lah ban ïohi ïa ka!

LOUKAS 21:6

U Jisu u la ong, “Kane baroh kaba phi ïohi — ka por kan poi ha kaba yn ym iehnoh hangne ïa uwei ruh u maw ha ka jaka ba u don; ïa uwei uwei baroh yn bret sha tbian.”

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.