LOUKAS 19:38 - Khasi CL Bible (BSI)

³⁸ “U Blei u kyrkhu ïa u syiem uba wan ha ka kyrteng jong U Trai! Ka jingsuk ha ki bneng bad ka burom ïa U Blei!”

KA BAIBL

³⁸ ki da ong, “Long ba la kyrkhu ïa U Syiem uba wan ha ka kyrteng U Trai! ka jingsuk ha bneng, bad ka burom ha kiba jrong tam eh.”

LOUKAS 19:38 ပူးပေါင်းရင်းမြစ်များ

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 2:2

“Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

MATHAÏOS 21:9

Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

LOUKAS 13:35

Bad kumta ïa ka Templ jong pha yn iehnoh. Nga pynthikna ïa pha ba phan ym ïohi ïa nga tad ynda ka por ka poi haba phan ong, ‘U Blei u kyrkhu ïa uta uba wan ha ka kyrteng jong U Trai.’ ”

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.

EPHESOS 1:12

Te ma ngi, kiba long kiba nyngkong ban kyrmen ha U Khrist, ngin ïaroh ïa ka burom U Blei!

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

EPHESOS 3:10

khnang ba ha ka por ba mynta lyngba ka Balang, ki angel nongsynshar bad ki bor ha ka pyrthei ba kynja bneng ki lah ban tip ïa ka jingstad jong u ha baroh ki rukom ba-ïapher jong ki.

EPHESOS 3:21

ha U Blei to long ka burom ha ka balang bad ha U Khrist Jisu na ka bynta ki por baroh, junom la junom! Amen.

KOLOSSAI 1:20

Da U Khun, te, U Blei u la kut jingmut ban wallam pat ïa ka jingpynlong baroh kawei sha lade hi. U Blei u la pynïasuk da ka jingïap U Khun jong u kum ka jingkñia halor ka diengphna bad kumta u la wallam pat sha lade hi ïa kiei kiei baroh, kiba ha ka pyrthei bad kiba ha bneng.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.