LOUKAS 19:17 - Khasi CL Bible (BSI)

¹⁷ ‘Me la lehbha,’ u la ong; ‘me long u shakri uba bha! Namar ba me long uba lah ban shaniah ha kiei kiei kiba rit, ngan buh ïa me ban khmih ïa ki shiphew tylli ki nongbah.’

KA BAIBL

¹⁷ U la ïathuh te ha u, ‘Bha me u shakri babha! naba me la long uba ngeit ha iba khyndiat eh, to men ïoh bor halor shiphew ki shnong.’

LOUKAS 19:17 ပူးပေါင်းရင်းမြစ်များ

JENESIS 39:4

U Potiphar u la sngewbha eh ïa u bad u la pynlong ïa u kum u shakri ïa u shimet hi; kumta u buh ïa u ban long u nongpeit ïa ka ïing ka sem jong u, bad ïa kiei kiei baroh kiba u don.

PROBERB 27:18

Sumar bha ïa u dieng Dumbur bad phin ïoh ïa ki soh ban bam. U shakri uba sumar bha ïa la u kynrad un ïoh burom.

MATHAÏOS 25:21

‘Me la leh ïa kaba bha tam, me u shakri uba bha bad uba lah ban shaniah!’ la ong u kynrad jong u. ‘Me la long uba lah ban shaniah ha kaba pynïaid ïa kaba khyndiat, kumta ngan buh ïa me ban khmih ïa kaba kham bun. To wan rung shapoh bad ïoh bynta lem na ka jingkmen jong nga!’

LOUKAS 16:10

Uno uno ïa uba lah ban shaniah ha kiei kiei kiba rit un long uba lah ban shaniah ha kiba kham khraw; uno uno uba leh bymhok ha kiei kiei kiba rit un long u bymhok ha kiba kham khraw.

LOUKAS 19:16

Uba nyngkong u la wan bad u la ong, ‘Ko kynrad, nga la kamai shiphew tylli ki sbai ksiar da kawei kaba me la ai ha nga.’

LOUKAS 19:18

U shakri uba ar u la wan bad u la ong, ‘Ko kynrad, nga la kamai san tylli ki sbai ksiar na kawei kaba me la ai ha nga.’

LOUKAS 22:30

Phin bam bad dih ha ka miej jong nga ha ka Hima jong nga, bad phin shong halor ki khet ban synshar halor ki khat-ar jait ki Israel.

Ka Shithi U Paul Sha Ki Nong Rom 2:29

Pynban, u Jiw bashisha u dei u briew uba dei u Jiw ha kaba shapoh, kata, uba ïa ka dohnud jong u la otsher, bad kane ka dei ka jingtrei jong U Mynsiem jong U Blei, ym jong ka Hukum ba la thoh. Kum uta u briew u ïoh ïa la ka jingïaroh na U Blei, ym na u briew.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 TIMOTHI 2:10

Hynrei ka ktien jong U Blei kam shah teh ha ki kynjri, bad kumta nga ïaishah ha kiei kiei baroh na ka bynta ki briew ba la jied jong U Blei, khnang ba ma ki ruh kin ïohpdiang ïa ka jingpynim kaba wan lyngba U Khrist Jisu bad kaba wallam ïa ka burom bymjukut.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.