LOUKAS 19:10 - Khasi CL Bible (BSI)

¹⁰ U Khun U Briew u la wan ban wad bad ban pynim ïa kiba la jah noh.”

KA BAIBL

¹⁰ Naba U Khun u briew u la wan ïa ka ban wad bad ban pynim ïa kaba la jah noh.”

LOUKAS 19:10 ပူးပေါင်းရင်းမြစ်များ

ESEKIEL 34:12

Ha kajuh ka rukom kumba u nongaplangbrot u sumar bha ïa la ki langbrot kiba la sakma bad u wallam lang ïa ki pat. Ngan wallam pat ïa ki na ki jaka sha kiba la pynsakma ïa ki ha kata ka sngi ka jingdum bad jingjot.

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

MATHAÏOS 1:21

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

MATHAÏOS 10:6

Pynban, phi dei ban leit sha ki langbrot kiba la jah noh jong ki paid Israel.

MATHAÏOS 15:24

Nangta U Jisu u la jubab, “Ïa nga la phah tang sha ki langbrot ba la jah noh jong ki paid Israel.”

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

MATHAÏOS 18:11

“Namar U Khun U Briew u la wan ban pynim ïa ki briew kiba la jah noh.

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 15:8

“Lane tharai kawei ka briew kaba don shiphew tylli ki sbai rupa ka duh noh kawei na ki — kaei ba kan leh? Ka thang ïa ka sharak, ka sar ïa la ka ïing, bad ka khmih biang biang kylleng kylleng haduh ba kan da shem ïa ka.

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

Ka Shithi U Paul Sha Ki Nong Rom 5:6

Namar mynba ngi dang long ki bym don jingkyrmen shuh, U Khrist u la ïap na ka bynta kiba bymman, ha ka por kaba U Blei u la jied.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.