LOUKAS 18:13 - Khasi CL Bible (BSI)

¹³ “Hynrei u nonglum khajna u la ïeng ha pajih bad um shym khmied la ka durkhmat sha bneng, hynrei u ïai tied ïa la ka shadem bad u la ong, ‘A Blei, to isynei ïa nga, u nongpop!’

KA BAIBL

¹³ Hynrei, uta u nongkhrong, u da ïeng na jngai, um nud wat ban khmied da la ki khmat sha bneng, hynrei, u la ïaithab ïa la ka shadem, u da ong, ‘A U Blei, to isynei ïa nga u bapop!’

LOUKAS 18:13 ပူးပေါင်းရင်းမြစ်များ

2 SAMUEL 12:13

“Nga la leh pop pyrshah ïa U Trai,” U Dabid u la ong. U Nathan u jubab, “U Trai u map ïa phi; phin ym ïap.

2 KHRONIKL 33:19

Ka jingduwai u syiem bad ka jingjubab U Blei ïa ka, bad ka jingthoh shaphang ki pop kiba u la leh ha shuwa ba un kylla-kaba-mut — ka jingsniew kaba u la leh, ki jaka mane blei thala bad ki durblei jong ka blei Asherah kaba u la thaw bad ki bleithaw kiba u la mane — baroh la buh jingthoh ha Ka Histori jong ki Nongïathuhlypa.

2 KHRONIKL 33:23

Hynrei ym kum u kpa jong u, um shym long uba pynrit ïa lade bad phai sha U Trai; u kham long uba pop ban ïa kaba long u kpa jong u.

ESRA 9:6

Nga ong, “A Blei, nga sngewlehrain haduh katta katta ban rah ïa la ka khlieh ha ka jingdon jong me. Ki pop jong ngi ki la kynton palat ïa ki khlieh jong ngi; ki la poi shaduh sha bneng.

Ka Kitab U Job 42:6

Kumta nga la sngewlehrain ïa baroh kaba nga la ong bad nga kylla-kaba-mut ha u pui pui bad u dpei.

SALM 106:6

Ngi la leh pop kumba ki kpa tymmen jong ngi ki la leh; ngi la long bymman bad sniew.

SALM 119:41

Pyni ïa nga haduh katno me ieit ïa nga, A Trai, bad pynim ïa nga kat kum ka kular jong me.

SALM 130:7

Ko Israel, to shaniah ha U Trai, namar ka jingieit jong u ka long kaba ïaineh, bad u long borabor uba mon ban pynim.

SALM 25:11

To bat ïa ka kular jong me, A Trai, bad map ïa ki pop jong nga, namar ba ki don shibun.

SALM 25:7

Map ïa ki pop bad ki jingbakla jong ka jinglong samla jong nga. Ha ka jingieit baneh bad jingbha jong me, to kynmaw ïa nga, A Trai!

SALM 40:12

Ïa nga la ker sawdong da shibun ki jingjynjar — Shibun eh ban ñiew! ki pop jong nga ki la lap ïa nga, bad ngam lah shuh ban ïohi; ki kham bun ban ïa u shñiuh ha ka khlieh jong nga; bad nga la duh ka jingshlur jong nga.

SALM 41:4

Nga ong, “Nga la leh pop pyrshah ïa me, A Trai; to isynei ïa nga bad pynkhiah ïa nga.”

EKSODOS 33:10

Ki paidbah ki tang shu ïohi ïa uta u rishot lyoh ba u ïeng ha ka jingkhang jong ka Ïingjaiñ, ki dem khrup.

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

ESEKIEL 16:63

Ngan map ïa ki jingbakla baroh kiba pha la leh, hynrei phan kynmaw ïa ki bad sngewlehrain palat ban ang ïa la ka shyntur.” U Trai Nongsynshar u la kren.

DANIEL 9:5

“Ngi la leh pop, ngi la long kiba sniew, ngi la leh bakla. Ngi la kyntait ïa kaei kaba me la hukum ïa ngi ban leh bad ngi la phai noh na kaei kaba me la pyn-i ha ngi ba ka long kaba dei.

MATHAÏOS 10:3

u Philip bad u Bartholomai; u Thomas bad u Matthaïos, u nonglum khajna; u Jakob u khun jong u Alphaïos bad u Thaddaïos;

MATHAÏOS 6:5

“Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 9:13

Khie leit bad to wad kaei ka jingmut ha ka Jingthoh Bakhuid kaba ong: ‘Dei ïa ka jingsbun ba nga kwah, ym ki jingkñia ïa ki mrad.’ Ngam shym la wan ban khot ïa ki briew badonburom, hynrei ïa kiba la shah kyntait.”

MARKOS 11:25

Bad haba phi ïeng bad duwai, to map ïa kaei kaei kaba phi lah ban don pyrshah ïano ïano, khnang ba U Kpa jong phi uba ha bneng un map ïa ki jingleh bymdei kiba phi la leh.

LOUKAS 17:12

U la leit lyngba ka shnong ha kaba la ïashem ïa u da ki shiphew ngut ki rangbah kiba pang 'ñiangthohlieh.

LOUKAS 22:41

Nangta u la leit noh na ki kumba shi pda maw bad u la dem khohsiew bad u la duwai.

LOUKAS 23:48

Haba ki paidbah kiba la ïalumlang hangta ban khmih ïa kata baroh, ki la ïohi kaei kaba la jia, baroh ki la ïaleit phai sha ïing, ki da tied ïa la ki shadem ha ka jingsngewsih.

LOUKAS 5:8

Haba u Simon Petros u la ïohi ïa kaei kaba lah jia, u la dem khohsiew ha khmat U Jisu bad u la ong, “Khie leit noh na nga, ko Trai! Nga long u briew uba pop!”

KI KAM 2:37

Haba ki paidbah ki la ïohsngew ïa kane, ki la khuslai shikatdei eh bad ki la ong ha u Petros bad ha kiwei pat ki apostol, “Kaei kaba ngin leh, ko para?”

Ka Shithi U Paul Sha Ki Nong Rom 5:8

Hynrei U Blei u la pyn-i ha ngi haduh katno ba u ieit ïa ngi — ka la long mynba ngi dang long ki nongpop ba U Khrist u la ïap na ka bynta jong ngi!

2 KORINTH 7:11

Phi ïohi aïu U Blei u la leh lyngba kane ka jingsngewsih jong phi: Katno ka la pynlong smat ïa phi. Katno phi kwah ban pynshisha ïa ka jinglong balui lui jong phi! Kaba haduh katno ka jingsngew bitar, ka jingpeit pyrman halor kaba la jia, bad phi la sngew ka jingsngew, ka jingaiti, ka jinglong ba la kloi ban pynshitom ïa ka jingleh bakla! Phi la pynpaw ïa lade kiba khlem bakla ha kane ka kam baroh.

1 TIMOTHI 1:15

Kane ka long ka jingong kaba shisha, ïa kaba dei ban pdiang pura bad ban ngeit: U Khrist Jisu u la wan sha ka pyrthei ïa ka ban pynim ïa ki nongpop, nga long uba sniew tam na ki,

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.

HEBRU 8:12

Ngan map ïa ki pop jong ki bad ngan ym kynmaw shuh ïa ki jingleh bymdei jong ki.”