LOUKAS 17:30 - Khasi CL Bible (BSI)

³⁰ Kata ka long kumno kan jia ha ka sngi ba yn pynpaw ïa U Khun U Briew.

KA BAIBL

³⁰ Kumta ruh kan long ha kata ka sngi ha kaba yn pynpaw ïa U Khun u briew.

LOUKAS 17:30 ပူးပေါင်းရင်းမြစ်များ

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 24:3

Katba U Jisu u dang shong halor u lum ki Olib, ki synran ki la wan sha u ha kaba jar jar. “To ïathuh ha ngi lano kane baroh kan long,” ki la kylli, “bad kaei ka ban jia ban pyn-i ba ka la dei ka por ïa ka jingwan jong me bad kaba kut ka Ïa.”

MATHAÏOS 24:37

Ka jingwan U Khun U Briew kan long kum kaei kaba la jia ha ka por u Noah.

MATHAÏOS 24:39

pynban kim sngewthuh kaei kaba la jia tad haduh ba ka jingshlei um ka la wan bad ka rong noh ïa ki baroh. Kan sa long kumta haba U Khun U Briew u wan.

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

MARKOS 13:26

Nangta U Khun U Briew un mihpaw, da kaba wan ha ki lyoh ha ka bor bakhraw bad ka burom.

LOUKAS 17:24

Kumba ka leilieh ka thaba na shiliang sha shiliang jong ka sahit bneng bad ka pynshai ïa ka na kawei ka liang sha kawei pat, kumta un long U Khun U Briew ha ka sngi jong u.

LOUKAS 17:29

Ha ka sngi ba u Lot u mih na Sodom, ka ding bad u kyndok ki la hap na bneng bad la pynïap ïa ki baroh.

LOUKAS 21:22

Naba kito kin long ‘Ki Sngi ka Jingpynshitom,’ ban pynlong ïa baroh kaba ki Jingthoh Bakhuid ki ong ban urlong shisha.

LOUKAS 21:27

Nangta U Khun U Briew un paw, u da wan ha ki lyoh lem bad ka bor bad ka burom bakhraw.

1 KORINTH 1:8

U ruh un batskhem ïa phi haduh kaba kut, khnang ba phin long kiba khlem shah kynnoh pop ha ka Sngi jong U Jisu Khrist uba U Trai jong ngi.

KOLOSSAI 3:4

Ka jingim bashisha jong phi ka long U Khrist, bad haba u mihpaw, te ma phi ruh phin mihpaw lem bad u bad ïoh bynta ïa ka burom jong u!

2 THESSALONI 1:7

bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u,

1 PETROS 1:13

Kumta te, to ai ba ki jingmut jong phi kin pynkhreh ban treikam. To long adkar bad buh ïa ka jingngeit jong phi baroh phar ha ka jingkyrkhu ïa kaba yn sa ai ha phi haba ïa U Jisu Khrist yn pynpaw.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

1 PETROS 4:13

Pynban to shadkmen ba phi ïoh bynta lem ha ki jingshahshitom U Khrist, khnang ba phi lah ban long kiba dap da ka jingkmen haba ïa ka burom jong u yn pynpaw.

1 ÏOANNIS 2:28

Ho-oid, ko ki khun jong nga, to ïaisah ha u, khnang ba ynda u wanpaw, ngin long kiba dap da ka jingshlur bad ngim donkam ban rieh ha ka jinglehrain na u ha ka Sngi kaba u wan.

1 ÏOANNIS 3:2

Ko ki paralok ba-ieit jong nga, mynta ngi long ki khun U Blei, hynrei kam pat da shai aïu ngin sa long. Hynrei ngi tip ba ynda U Khrist un paw, ngin ïoh long kum ma u, namar ngin ïohi ïa u kumba u long da shisha.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!