LOUKAS 17:25 - Khasi CL Bible (BSI)

²⁵ Hynrei, nyngkong u dei ban shahshitom shikatdei eh bad ban shah kyntait da ki briew jong kane ka pateng.

KA BAIBL

²⁵ Hynrei, ka dei shuwa ïa u ban shah bun kiei kiei ruh, bad ban kyntait ruh ïa u da kane ka pateng bynriew.

LOUKAS 17:25 ပူးပေါင်းရင်းမြစ်များ

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

MATHAÏOS 16:21

Naduh kata ka por U Jisu u la sdang ban kren shai ha la ki synran, “Nga dei ban leit sha Jerusalem bad shahshitom shibun na ki tymmen ki san, ki rangbah lyngdoh bad ki nonghikai ka Hukum. Ïa nga yn pynïap, hynrei hadien lai sngi yn sa pynmihpat ïa nga.”

MATHAÏOS 21:42

U Jisu u la ong ha ki, “Hato phim pat ju pule ïa kaei ba ki Jingthoh Bakhuid ki ong? “ ‘Ïa u maw ba ki nongtei ki la kyntait kum u bymdondor u la kylla long uba donkam tam na baroh. Ïa kane la leh da U Trai; katno ka long kaba itynnat!’ ”

MARKOS 10:33

“Sngap,” u la ong ïa ki, “ngi dang leit kiew sha Jerusalem ha kaba ïa U Khun U Briew yn sa aiti ha ki rangbah lyngdoh bad ki nonghikai ka Hukum. Kin rai pynrem ban pynïap ïa u bad nangta kin aiti ïa u sha ki Jentil,

MARKOS 12:10

Hato da shisha phi la pule ïa kane ka Jingthoh Bakhuid? “ ‘U maw ïa uba ki nongtei ki la kyntait kum u bymmyntoi, u la kylla long uba donkam eh na baroh.

MARKOS 8:31

Nangta U Jisu u la sdang ban hikai ïa ki synran jong u: “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un sa shah pynïap, hynrei hadien lai sngi yn sa pynmihpat ïa u.”

MARKOS 9:31

“Ïa U Khun U Briew yn sa ai noh ha ki briew ki ban pynïap ïa u. Pynban hadien lai sngi, un sa mihpat.”

LOUKAS 18:31

U Jisu u la ïalam sharud ïa ki khat-ar ngut ki synran bad u la ong ha ki, “Ha sngap! Ngi ïaleit sha Jerusalem ha kaba ïa kaei kaei baroh kaba ki nongïathuhlypa ki la thoh shaphang U Khun U Briew kan urlong shisha.

LOUKAS 18:33

Kin sympat ïa u bad pynïap ïa u, hynrei hadien lai sngi, un mihpat.”

LOUKAS 24:46

“Kane ka long kaei kaba la thoh: U Messaïah u dei ban shahshitom bad u dei ban mihpat na ka jingïap hadien lai sngi,

LOUKAS 9:22

U la ong ruh ha ki, “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un shah pynïap, hynrei hadien lai sngi yn sa pynmihpat ïa u.”

ÏOANNIS 1:11

U la wan sha la ka jong ka ri, hynrei ki briew jong u hi kim shym la pdiang ïa u.

ÏOANNIS 12:38

“A Trai, uno uba la ngeit ïa ka khubor kaba ngi la ïathuh? Hano ba U Trai u pynpaw ïa ka bor jong u?”

1 SAMUEL 10:19

Nga long U Blei jong phi, uta uba pyllait ïa phi na ki jingjynjar bad ki jingshitom jong phi baroh hynrei mynta phi la kyntait ïa nga bad phi la pan na nga ban ai ïa phi da u syiem. Namar kata, ïalumlang ïa lade ha khmat U Trai, shi jait shi jait, bad shi kur shi kur.’ ”

1 SAMUEL 8:7

bad U Trai u ong, “Shahshkor ïa kaei kaba u paidbah u ong ha me; mem long ma me uba ki kyntait, Nga long ma nga ïa uba ki la kyntait kum u syiem jong ki.