LOUKAS 17:20 - Khasi CL Bible (BSI)

²⁰ Katto katne ngut ki Pharisi ki la kylli ïa U Jisu lano ka Hima U Blei kan wan. Ka jubab jong u ka long, “Ka Hima U Blei kam wan ha ka rukom kum kaba lah ban ïohi.

KA BAIBL

²⁰ Te haba la kylli ïa U da kita ki Pharisi, “Ynda lano ka hima jong U Blei kan wan”, U la ïathuh ha ki bad U la ong, “Ka hima jong U Blei kam wan da kaba khmih thuh.

LOUKAS 17:20 ပူးပေါင်းရင်းမြစ်များ

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

LOUKAS 10:11

‘Wat ïa u pui pui na ka shnong jong phi uba dambit ha ki kjat jong ngi, ngi ñiad noh pyrshah ïa phi. Hynrei kynmaw ba ka Hima U Blei ka la wan hajan jong phi!’

LOUKAS 14:1

Ha kawei ka sngi Sabbaton, U Jisu u la leit ban bam ha ka ïing jong uwei na ki Pharisi kiba kham pawkhmat; bad ki briew ki la khmih bha ïa U Jisu.

LOUKAS 16:16

“Ka Hukum u Moses bad ki jingthoh jong ki nongïathuhlypa ki treikam haduh ka por jong u Ïoannis u Nongpynbaptis; naduh kata ïa ka Khubor Babha shaphang ka Hima U Blei la ïai ïathuh, bad uwei pa uwei u bsut jubor shapoh.

LOUKAS 19:11

Katba ki briew ki dang shahshkor ïa kane, U Jisu u la bteng bad u la ïathuh ïa ka pharshi ha ki. U la jan poi artat ha Jerusalem, bad ki la tharai ba ka Hima U Blei ka la jan paw.

ÏOANNIS 18:36

U Jisu u la ong, “Ka Hima jong nga kam long na ka jong kane ka pyrthei, lada ka hima jong nga ka la long na ka jong kane ka pyrthei, ki nongbud jong nga kin jin da la ïaleh ban ïada ïa nga na kaba aiti ha ki nongsynshar jong ki Jiw. Em, ka hima jong nga kam long hangne!”