LOUKAS 16:9 - Khasi CL Bible (BSI)

⁹ Bad U Jisu u ïai bteng ban ong, “Bad kumta nga ong ha phi: Pynlong paralok na ka bynta ïa lade da ka spah ba kynja pyrthei, khnang ba haba kam don shuh, yn pdiang sngewbha ïa phi sha ka ïing bymjukut.

KA BAIBL

⁹ Nga ong ruh ha phi: To pynlong ïa lade ki lok da ka spah bymhok, ba ynda la poi ka bakut, kin pdiang ïa phi sha kita ki ïing bymjukut.

LOUKAS 16:9 ပူးပေါင်းရင်းမြစ်များ

SALM 73:26

Ka jingmut jong nga bad ka met jong nga ka lah ban sdang tlot, hynrei U Blei u long ka jingkhlaiñ jong nga; u long baroh kaba nga ju donkam.

PROBERB 14:24

Ïa ki briew kiba stad la ainong da ka spah, hynrei ïa kiba bieit la tip da ki jingleh bieit jong ki.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

PROBERB 23:5

Ka pisa jong phi kan jah noh tang ha ka shikhyllipmat, kum kaba don thapniang bad ka her noh kum ka pukni.

EKLESIASTIS 11:1

Thep ïa ka pisa jong phi ha ka jingkhaïi bar ri bad ha kawei na kine ki sngi phin ïohnong.

ISAÏAH 57:16

Nga ai ka jingim ïa ki briew jong nga, bad ngan ym mudui sah ïa ki lane bitar ïa ki junom.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

MATHAÏOS 19:21

U Jisu u la ong ha u, “Lada me kwah ban long uba janai, to khie leit bad die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta to wan bad bud ïa nga.”

MATHAÏOS 6:19

“Wat kynshew spah na ka bynta ïa lade hangne ha ka pyrthei, ha kaba ki khñiang bad ka sarang ki pynjot, bad ki nongtuh ki prong bad ki tuh.

MATHAÏOS 6:24

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

LOUKAS 11:41

Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

LOUKAS 14:14

bad men long uba la kyrkhu, namar kim lah ban siew kylliang ïa me. U Blei un siew pat ïa me ha ka sngi ba ki briew kiba bha ki mihpat na ka jingïap.”

LOUKAS 16:11

Te lada ym pat lah ban shaniah ïa phi ha kaba pynïaid ïa ka spah pyrthei, kumno yn shaniah ha phi ïa ka spah bashisha?

LOUKAS 16:13

“Ym don u shakri uba lah ban long u mraw jong ki ar ngut ki kynrad; un isih ïa uwei bad un ieit ïa uwei pat; un kohnguh ïa uwei bad un ñiewbeiñ ïa uwei pat. Phim lah ban shakri ïa U Blei bad ïa ka spah.”

LOUKAS 16:4

Mynta nga tip kaei ba ngan leh! Te haba ka kam jong nga ka duh noh, ngan don ki paralok ki ban pdiang sngewbha ïa nga ha ki ïing jong ki.’

KI KAM 10:31

‘Ko Kornelios! U Blei u la ïohsngew ïa ki jingduwai jong me bad u la kynmaw ïa ki kam leh-isynei jong me.

KI KAM 10:4

U la khmih shaiñ ïa u angel ha ka jingsheptieng bad u la ong, “Ka dei kaei, ko Kynrad?” U angel u la jubab, “U Blei u la sngewbha ïa ki jingduwai jong me bad ïa ki kam leh-isynei jong me, bad u kloi ban jubab ïa me.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

JUDAH 1:21

bad to ri ïa lade ha ka jingieit U Blei, da kaba ap khmih ïa U Jisu Khrist uba U Trai jong ngi ha ka jingisynei jong u ban ai ha phi ïa ka jingim bymjukut.