LOUKAS 16:8 - Khasi CL Bible (BSI)

⁸ “Kaba mih ka long ba u trai jong une u sordar bymhok u la ïaroh ïa u ba u leh ïa kaba kum kane kaba sianti; namar ki briew jong kane ka pyrthei ki long kiba kham sianti ha kaba trei ïa la ki kam ban ïa ki briew kiba long ki jong ka jingshai.”

KA BAIBL

⁸ Te u kynrad jong u, u la ïaroh ïa uta u sordar bymhok, namar ba u la leh sian; naba ki khun jong kane ka pyrthei ki kham sian ha la ka pateng bynriew hi, ban ïa ki khun ka jingshai.

LOUKAS 16:8 ပူးပေါင်းရင်းမြစ်များ

JENESIS 3:1

Te u bseiñ u long uba sianti tam na ki mrad baroh kiba U Trai U Blei u la lah thaw. Uta u bseiñ u ong ha kata ka briew, “Hato ka dei shisha ba U Blei u ong ba phim bit ban bam ïa u soh na uno uno u dieng ha kper?”

2 SAMUEL 13:3

Hynrei u Amnon u don uwei u paralok uba shalak bha, uba kyrteng u Jonadab, u khun jong u Shammah, u hynmen jong u Dabid.

2 SYIEM 10:19

Khot lang ïa baroh ki nongïathuhlypa jong u Baal baroh, ïa ki nongmane jong u baroh, bad ïa ki lyngdoh jong u baroh. Uwei ruh um dei ban pep; nga ai ka jingkñia ainguh kaba khraw ha u Baal, bad uno uno uba jah un shah pynïap.” (Kane ka long ka buit sianti ha ka liang jong u Jehu da kaba u mut ban pynïap lut ïa ki nongmane ïa u Baal.)

SALM 17:14

pynim ïa nga na kito kiba ha kane ka pyrthei ki don lut ïa kaba ki kwah. Pynshitom ïa ki da ki jingshitom kiba me la kynton na ka bynta jong ki; Ai ba kan dap na ka bynta ki khun ki kti jong ki bad katto katne kaba sah na ka bynta ki khun jong ki khun jong ki!

EKSODOS 1:10

Lada ka thma ka khie, ki lah ban leit ïasoh bad ki nongshun jong ngi ban ïaleh pyrshah ïa ngi, bad ban ïohphet noh na kane ka ri. To ngin kham ïaleh sian ban ym shah ïa ki ba kin nang ïaroi shuh shuh.”

PROBERB 12:8

Lada phi long kiba shemphang, phin ïoh jingïaroh; lada phi long kiba mutlop, ki briew kin peitbeiñ ïa phi.

MATHAÏOS 12:32

Uno uno uba kren ei ei pyrshah ïa U Khun U Briew u lah ban ïoh jingmap; hynrei uno uno uba kren ei ei pyrshah ïa U Mynsiem Bakhuid un ym ïoh jingmap — mynta lane junom.

MATHAÏOS 17:26

“Ki nongwei,” la jubab u Petros. “Kumta, te,” la jubab U Jisu, “kata ka mut ba ki traishnong kim donkam ban siew.

LOUKAS 16:10

Uno uno ïa uba lah ban shaniah ha kiei kiei kiba rit un long uba lah ban shaniah ha kiba kham khraw; uno uno uba leh bymhok ha kiei kiei kiba rit un long u bymhok ha kiba kham khraw.

LOUKAS 16:4

Mynta nga tip kaei ba ngan leh! Te haba ka kam jong nga ka duh noh, ngan don ki paralok ki ban pdiang sngewbha ïa nga ha ki ïing jong ki.’

LOUKAS 16:7

Nangta u la kylli ïa uwei pat, ‘Bad ma phi — sa katno phi dei ban pynphai? Shihajar byrni u kew,’ u la jubab. ‘Kane hangne ka long ka jingkheiñ jong phi,’ u sordar u la ong ïa u; ‘to thoh phraspah.’

LOUKAS 18:6

Bad U Trai u la bteng, “Shahshkor ïa kaei kaba uta u nongbishar bamsap u la ong.

LOUKAS 20:34

U Jisu u la jubab ïa ki, “Ki shynrang bad ki kynthei jong kane ka juk ki ïashongkurim,

LOUKAS 20:35

hynrei ki shynrang bad ki kynthei kiba bit ban mihpat na ka jingïap bad ban im ha ki pateng ban wan kin ym shongkurim shuh.

ÏOANNIS 12:36

To ngeit ha ka jingshai, namarkata, katba phi dang don ïa ka, ba kumta phin long ki briew jong ka jingshai.” Hadien ba U Jisu u la ong ïa kane, u la leit noh bad u la buhrieh ïa lade na ki.

1 KORINTH 3:18

Wat ai ba uno uno un shukor ïa lade hi. Lada uno uno napdeng jong phi u pyrkhat ba u long uba stad da ka jingthew jong kane ka pyrthei, u dei ban long uba bieit khnang ba un long uba stad da shisha.

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.

1 THESSALONI 5:5

Baroh na phi, phi long ki briew jong ka jingshai, kiba long ki jong ka sngi. Ngim dei ki jong ka miet lane jong ka jingdum.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.