LOUKAS 16:3 - Khasi CL Bible (BSI)

³ U shakri u la ong ha lade, ‘U Kynrad jong nga un sa beh ïa nga na ka kam jong nga. Kaei ba ngan leh? Ngam long uba khlaiñ ban tih kharai, bad nga sngewlehrain ban khrong.

KA BAIBL

³ Ynda kumta, uta u sordar u la ong ha lade, ‘Kumno ngan leh, naba u kynrad jong nga un sa shim noh ïa ka kam sordar na nga? ban puh khyndew ngam lah, ban leit makia nga sngewlehrain.

LOUKAS 16:3 ပူးပေါင်းရင်းမြစ်များ

ESTHER 6:6

Kumta u Haman u wan shapoh, bad u syiem u ong ha u, “Don uba nga kwah eh ban lehburom. Kaei kaba ngan leh na ka bynta une u briew?” U Haman u la pyrkhat ha lade, “Mynta ïano u syiem u kwah eh ban pyndonburom? Dei ïa nga keiñ.”

PROBERB 13:4

Kam pher katno u briew uba jaipdeh u thrang ban ïoh ïa kaei kaei, da lei lei un ym ïoh ïa ka. Uba trei shitom un ïoh ïa baroh kiei kiei kiba u kwah.

PROBERB 15:19

Lada phi jaipdeh, phin ïakynduh ïa ka jingeh kylleng, hynrei haba phi long uba trei minot, phin ym shem jingeh.

PROBERB 18:9

U briew uba jaipdeh u long uba sniew kum uno uno uba pynjot.

PROBERB 19:15

Leh jaipdeh lada phi kwah; ïai thiah sah, hynrei phin shahthngan.

PROBERB 20:4

U nongrep uba jaipdeh palat ban lur ïa ki lyngkha jong u ha ka por kaba biang un ym ïoh ei ei ïa ka ban ot.

PROBERB 29:21

Lada phi ai ïa la u shakri ïa baroh kat kaba u kwah naduh ba u dang khynnah ter ter, ha kawei ka sngi un sa shimti ïa baroh kaba phi don.

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

HOSIA 9:5

Bad haba ka por kan poi na ka bynta ki Jingkhawai Niam ba la jied na ka bynta ban pyndonburom ïa U Trai, kin ïaleh kumno hangta?

MATHAÏOS 20:8

“Haba ka janmiet ka la poi, u trai u la bthah ïa la u sordar, ‘To khot ïa ki nongtrei bad siew ïa ka bainong jong ki, sdang na kito kiba la shah khot bylla khatduh bad pynkut ha kito kiba la shah khot bylla nyngkong.’

MARKOS 10:46

Ki la wan sha Jerikho, bad katba U Jisu u sdang ban mihnoh ryngkat bad ki synran jong u bad u paidbah babun, u nongkhrong uba matlah uba kyrteng u Bartimaïos, u khun jong u Timaïos, u dang shong harud lynti.

LOUKAS 12:17

U la sdang ban pyrkhat ha lade, ‘Ngam don hangno hangno ban buh ïa ki jingthung jong nga baroh. Aïu nga lah ban leh?

LOUKAS 16:2

kumta u la khot shapoh ïa u bad u la ong, ‘Kaei kane kaba nga ïohsngew shaphang jong me? To ai ha nga ïa ka jingkheiñ kaba pura ïa ka jingpynïaid jong me ïa ka jingdon jingem jong nga, namar men ym lah shuh ban long u sordar jong nga.’

LOUKAS 16:20

La don ruh u briew uba duk uba kyrteng, u Lasaros, uba la dap da ki prum, ïa uba la ju wallam sha ka jingkhang jong u briew uba riewspah,

LOUKAS 16:22

“U briew uba duk u la ïap bad la bah da ki angel ban shong hajan u Abraham ha ka jingkhawai ha bneng. U riewspah u la ïap bad la tep,

LOUKAS 16:4

Mynta nga tip kaei ba ngan leh! Te haba ka kam jong nga ka duh noh, ngan don ki paralok ki ban pdiang sngewbha ïa nga ha ki ïing jong ki.’

LOUKAS 18:4

La slem bah u nongbishar u la kyntait ban leh ei ei, hynrei ha kaba khatduh u la ong ha lade, ‘Wat la ngam sheptieng ïa U Blei lane burom ïa u briew,

ÏOANNIS 9:8

Ki paramarjan jong u, te, bad ki briew kiba la ïohi ïa u mynshuwa ba u ju khrong, ki la kylli, “Hato une um dei uto u briew uba ju shong khrong?”

KI KAM 3:2

Hangta ha ka Khyrdop Ba-itynnat, kumba la ju khot ïa ka, la don u briew uba la dkoh baroh shi jingim. Man ka sngi la ju bah ïa u sha ka khyrdop ban khrong pisa na ki briew kiba leit shapoh ka Templ.

KI KAM 9:6

“Hynrei, ïeng joit bad leit rung shapoh ka nongbah, ha kaba yn ïathuh ïa me ïa kaei kaba me dei ban leh.”

2 THESSALONI 3:11

Ngi ong ïa kane, namar ngi ïohsngew ba don katto katne ngut ki briew hapdeng jong phi kiba im ka jingim bajaipdeh bad ki bym trei ei ei lait tang ban lushia ha ka kam jong kiwei pat ki briew.