LOUKAS 16:28 - Khasi CL Bible (BSI)

²⁸ Shah ïa u ban leit bad maham ïa ki, khnang ba ma ki, la kumno kumno, kin ym wan sha kane ka jaka ka jingshitom.’

KA BAIBL

²⁸ naba nga don san ngut ki para; ba un ïoh maham ïa ki, ba ïoh ki ruh kin wan sha kane ka jaka ka jingkordit.’

LOUKAS 16:28 ပူးပေါင်းရင်းမြစ်များ

LOUKAS 16:27

Uta u riewspah u la ong, ‘Kumta nga kyrpad ïa me, ko kpa Abraham, to phah ïa u Lasaros sha ka ïing u kpa jong nga, ha kaba nga don san ngut ki hynmen ki para shynrang.

KI KAM 10:42

Bad u la hukum ïa ngi ban ïalap ïa ka Gospel ha ki briew, bad ban sakhi ba u long uta ïa uba U Blei u la thung ban long u Nongbishar ïa kiba im bad kiba ïap.

KI KAM 18:5

Haba u Silas bad u Timothi ki la poi na Makedonia, u Paul u la pynlut ïa ka por jong u baroh ha kaba ïalap ïa ka khubor, da kaba sakhi ha ki Jiw ba U Jisu u dei U Messaïah.

KI KAM 2:40

U Petros u la pynlong ïa kane ka jingkyrpad ha ki bad da ki kyntien babun u la kyrpad ïa ki, da kaba ong, “To pynim ïa lade na ka jingpynshitom kaba wan ha une u paidbah ba-bymman!”

KI KAM 20:21

Ha ki Jiw bad ki Jentil kumjuh nga la ai ka jingmaham da ka jingsngewkhia ba ki dei ban phai sha U Blei na ki pop jong ki bad ban ngeit ha U Jisu uba U Trai jong ngi.

KI KAM 20:23

Kaba nga tip ka long ba ha kawei pa kawei ka nongbah U Mynsiem Bakhuid u la maham ïa nga ba ka byndi bad ki jingjynjar ki ap ïa nga.

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

KI KAM 23:11

Ha kata ka miet U Trai u la ïeng hajan u Paul bad u la ong, “Wat sheptieng! Me la ai ka jingsakhi na ka bynta jong nga hangne ha Jerusalem, bad me dei ban leh kumjuh ruh ha Rom.”

KI KAM 26:22

Hynrei haduh kane ka sngi, la ïarap ïa nga da U Blei, bad kumta nga ïeng hangne ban ai ïa ka jingsakhi jong nga ha baroh, ha uba rit bad ha uba khraw kumjuh. Kaei kaba nga ong ka long kajuh hi kaba ki nongïathuhlypa bad u Moses ki la ong ba kan sa jia:

KI KAM 28:23

Kumta ki la buh sngi bad u Paul, bad kham bun na ki, ki la ïawan ha kata ka sngi ha ka jaka ha kaba u Paul u la sah. Naduh mynstep haduh da miet u la batai ha ki ïa ka khubor jong u shaphang ka Hima U Blei, bad u la pyrshang ban pynngeit ïa ki shaphang U Jisu da kaba sot na ka Hukum u Moses bad na ki jingthoh jong ki nongïathuhlypa.

KI KAM 8:25

Hadien ba ki la ai ïa ka jingphla jong ki bad pynbna ïa ka khubor jong U Trai, u Petros bad u Ïoannis ki la leit phai pat sha Jerusalem. Ha lynti ki la ïalap ïa ka Khubor Babha ha kiba bun ki shnong ha Samaria.

GALATIA 5:3

Sa shisien pat nga maham ba uno uno u briew uba shah ïa lade ban otsher u pynbor ban kohnguh ïa ka Hukum baroh kawei.

EPHESOS 4:17

Ha ka kyrteng U Trai, te, nga maham ïa phi; wat ïai im kum kiba mane blei thala, kiba ki jingpyrkhat jong ki kim donbor, bad kiba ki jingmut jong ki, ki long ha ka jingdum.

1 THESSALONI 2:11

Phi tip ba ngi leh ïa uwei pa uwei na phi kumba u kpa u leh ïa ki khun jong u hi.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.