LOUKAS 16:24 - Khasi CL Bible (BSI)

²⁴ Kumta u la pyrta, ‘Ko Kpa Abraham! To sngewsynei ïa nga, bad phah ïa u Lasaros ban wieh ïa ka shynriah'ti jong u ha ka um khyndiat bad pyntngen ïa u thylliej jong nga, namar nga don ha ka jingshitom bakhraw ha kane ka ding!’

KA BAIBL

²⁴ Te u la pyrta bad u la ong, ‘Ko Kpa Abraham, to isynei ïa nga, to phah ruh ïa u Lasaros ba un wieh ïa ka khmut shynriah'ti jong u ha ka um, ba un ïoh pynkhriat ïa u thylliej jong nga; naba la pynkordit ïa nga ha kane ka thylliej ding.’

LOUKAS 16:24 ပူးပေါင်းရင်းမြစ်များ

Ka Kitab U Job 20:21

Haba u bam, ym ju don jingpynsah tam, hynrei mynta um don shuh ka jingpahuh pahai.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 66:24

“Katba ki dang leit phai noh kin ïohi ïa ki metïap jong kito kiba ïaleh pyrshah ïa nga. Ki ksaiñ kiba bam ïa ki kin ym ïap shuh, bad ka ding kaba thang ïa ki kan ym lip noh. Ka jingïohi ïa ki kan long kaba isaitmet ïa u bynriew baroh.”

SEKHARAÏAH 14:12

U Trai un wallam ka jingpang bashyrkhei halor ki jaitbynriew baroh kiba ïaleh thma ïa ka Jerusalem. Ka doh jong ki kan pyut noh katba ki dang im; ki khmat bad ki thylliej jong ki kin pyut noh.

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

MATHAÏOS 3:9

Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham!

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

LOUKAS 16:30

U riewspah u la jubab, ‘Kata kam pat biang, ko kpa Abraham! Hynrei lada uno uno u mihpat na ka jingïap bad leit sha ki, te kin phai noh na ki pop jong ki.’

LOUKAS 19:9

U Jisu u la ong ha u, “Mynta ka jingpynim ka la wan ha kane ka ïing, naba une u briew, ruh, u dei uba hiarpateng jong u Abraham.

LOUKAS 3:8

To leh ïa kita kiei kiei ki ban pyn-i ba phi la phai noh na ki pop jong phi. Bad wat sdang ban ong hapdeng jong phi hi ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ïa ki, ki khun ki ksiew jong u Abraham!

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 7:37

Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.

Ka Shithi U Paul Sha Ki Nong Rom 4:12

U long ruh u kpa jong kito ïa kiba la otsher, kata, jong kito kiba, nalor ba la otsher ïa ki, ki la im ruh ïa kajuh ka jingim jong ka jingngeit kaba u Abraham u kpa jong ngi u la im shuwa ba yn otsher ïa u.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JAKOB 3:6

Bad u thylliej u long kum ka ding. U long ka pyrthei jong ka jingsniew, uba shim ïa ka jaka ha ki met jong ngi bad uba pynphriang ïa kaba sniew ha ka met baroh kawei. U wiang ding ïa ka jingïaid lynti jong ka jingim da ka ding kaba wan sha u na ka dujok hi.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

1 SAMUEL 28:16

U Samuel u ong, “Balei keiñ ba me da khot ïa nga haba U Trai u la iehnoh ïa me bad u la kylla long u nongshun jong me?