LOUKAS 16:2 - Khasi CL Bible (BSI)

² kumta u la khot shapoh ïa u bad u la ong, ‘Kaei kane kaba nga ïohsngew shaphang jong me? To ai ha nga ïa ka jingkheiñ kaba pura ïa ka jingpynïaid jong me ïa ka jingdon jingem jong nga, namar men ym lah shuh ban long u sordar jong nga.’

KA BAIBL

² Te u la khot ïa u, bad u la ong ha u, ‘Kaei kane ba nga ïohsngew shaphang jong me? To ai jingkheiñ ïa ka kam sordar jong me; naba mem lah shuh ban long sordar.’

LOUKAS 16:2 ပူးပေါင်းရင်းမြစ်များ

EKLESIASTIS 12:14

U Blei un bishar ïa kaei kaei baroh kaba ngi leh, la kaba bha ne kaba sniew, wat ïa kiei kiei kiba la leh ha kaba rieh.

MATHAÏOS 12:36

“Phi lah ban thikna ba ha ka Sngi ka Jingbishar uwei pa uwei un hap ban ai jingkheiñ ïa kawei pa kawei ka kyntien ka bymmyntoi kaba u la kren.

MATHAÏOS 20:8

“Haba ka janmiet ka la poi, u trai u la bthah ïa la u sordar, ‘To khot ïa ki nongtrei bad siew ïa ka bainong jong ki, sdang na kito kiba la shah khot bylla khatduh bad pynkut ha kito kiba la shah khot bylla nyngkong.’

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

LOUKAS 12:42

U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

LOUKAS 16:1

U Jisu u la ong ha la ki synran, “La don shisien uwei u briew uba riewspah uba la don u shakri uba pynïaid ïa ka jingdon jingem jong u. La ïathuh ha une u briew bariewspah ba u sordar jong u, u la pynsep-ei ïa ka pisa u kynrad jong u,

LOUKAS 16:3

U shakri u la ong ha lade, ‘U Kynrad jong nga un sa beh ïa nga na ka kam jong nga. Kaei ba ngan leh? Ngam long uba khlaiñ ban tih kharai, bad nga sngewlehrain ban khrong.

Ka Shithi U Paul Sha Ki Nong Rom 14:12

Uwei pa uwei na ngi te, un hap ban ai jingkheiñ shaphang ïa lade ha U Blei.

1 KORINTH 1:11

Naba katto katne ngut ki briew na ka longïing jong ka Khloi ki la ïathuh ïa nga da kaba shai kdar, ko ki parabangeit jong nga, ba don ki jingkajia hapdeng jong phi.

1 KORINTH 4:2

Kawei kaba donkam ïa kum uta u shakri ka long ba un long uba ïaineh ha u kynrad jong u.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

1 TIMOTHI 4:14

Wat leh bymsuidñiew ïa ka jingai ba kynja mynsiem kaba don ha me, ïa kaba la ai ha me mynba ki nongïathuhlypa ki la kren bad ki nongsharai balang ki la buh ïa la ki kti halor jong me.

1 TIMOTHI 5:24

Don ki briew kiba ki pop jong ki, ki long kiba paw tyngkreiñ, bad ki pop jong ki, ki leit ha shuwa jong ki sha ka jingbishar; hynrei ki pop jong kiwei pat ki paw kham hadien.

1 PETROS 4:10

Uwei pa uwei, kum u sordar babha jong ki jingai ba bun jait jong U Blei, u dei ban pyndonkam na ka bynta ka jingbha jong kiwei ïa ka jingai bakyrpang kaba u la ïohpdiang na U Blei.

1 PETROS 4:5

Hynrei kin sa hap ban ai jingkheiñ ïa lade ha U Blei, uba la kloi ban bishar ïa kiba im bad ïa kiba ïap.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.