LOUKAS 15:6 - Khasi CL Bible (BSI)

⁶ Nangta u khot lang ïa ki paralok bad ïa ki paramarjan jong u bad u ong ha ki, ‘Nga kmen haduh katta katta ba nga la shem ïa ka langbrot jong nga kaba la jah. To ngin ïalehkmen!’

KA BAIBL

⁶ Bad ynda u poi sha la ïing, u khot lang ïa la ki lok bad ïa la ki paramarjan, u da ong ha ki, ‘To ïakmen lem bad nga, naba nga la shem ïa ka langbrot jong nga kaba la jah noh.’

LOUKAS 15:6 ပူးပေါင်းရင်းမြစ်များ

SALM 119:176

Nga ïaid sakma kum ka langbrot kaba la jah noh, kumta to wan bad wad ïa nga, u shakri jong me, namar ngam shym leh klet ïa ki aiñ jong me.

LOUKAS 1:58

Ki paramarjan bad ki ba-ha-ïing jong ka, ki la ïohsngew haduh katno U Trai u la long ka jingbha kaba phylla ïa ka, bad baroh ki la shadkmen lem bad ka.

LOUKAS 15:10

Ha kajuh ka rukom, nga ong ha phi, ki angel jong U Blei ki risa halor uwei u nongpop uba kylla-kaba-mut.”

LOUKAS 15:24

Naba une u khun jong nga u la ïap, hynrei mynta u la im pat; u la jah noh, hynrei mynta la shem pat ïa u.’ Bad kumta ka jingkhawai ka la sdang.

LOUKAS 15:5

Haba u la shem ïa ka, u kmen haduh katta katta ba u buh ïa ka halor ki tyrpeng jong u bad bah pat ïa ka sha ïing.

LOUKAS 15:7

Ha kajuh ka rukom, nga ong ha phi, kan don ka jingkmen kaba kham bun ha bneng halor uwei u nongpop uba kylla-kaba-mut ban ïa ki khyndaiphew khyndai ki briew badonburom ki bymdonkam ban kylla-kaba-mut.

ÏOANNIS 15:14

Bad phi long ki paralok jong nga lada phi leh ïa kaei kaba nga hukum ïa phi.

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 15:3

La leit on lynti ïa ki da ka balang; bad kaba ki dang leit lyngba ka Phoenisia bad ka Samaria, ki la ïathuh kumno ba ki Jentil ki la phai sha U Blei; kane ka khubor ka la wallam ka jingkmen bakhraw ïa ki parabangeit baroh.

PHILIPPI 1:4

bad man la ka por nga duwai na ka bynta jong phi baroh, nga duwai da ka jingkmen,

PHILIPPI 2:17

Lehse ïa ka snam jong ka jingim jong nga la dei ban theh noh kum ka jingainguh halor ka jingkñia kaba long ka jingngeit jong phi ba ai sha U Blei. Lada kata ka long kumta, nga shadkmen bad nga ïasam bynta lem ïa ka jingkmen jong nga bad phi baroh.

PHILIPPI 4:1

Kumta te, ko parabangeit jong nga, haduh katno phi long kiba ieit ïa nga bad haduh katno nga la sngewtmang ïa phi! Haduh katno phi pynkmen ïa nga, bad haduh katno nga sngewsarong namar jong phi! Kane te, ko ki parabangeit ba-ieit, ka long kumno phi dei ban ïeng skhem ha ka jingim jong phi ha U Trai.

1 THESSALONI 2:19

Nalor baroh, dei ma phi — ma phi keiñ, khlem duna ïa kiwei pat! — kiba long ka jingkyrmen jong ngi, ka jingkmen jong ngi, bad ka daw jong ngi ban sngewsarong ïa ka jingjop jong ngi ha khmat jong U Jisu uba U Trai jong ngi haba u wan.

1 PETROS 2:10

Ha kawei ka por phim shym la long ki briew jong U Blei, hynrei mynta phi long ki briew jong u; ha kawei ka por phim shym la tip ïa ka jinglehisynei U Blei, hynrei mynta phi la ïohpdiang ïa ka jinglehisynei jong u.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.