LOUKAS 15:5 - Khasi CL Bible (BSI)

⁵ Haba u la shem ïa ka, u kmen haduh katta katta ba u buh ïa ka halor ki tyrpeng jong u bad bah pat ïa ka sha ïing.

KA BAIBL

⁵ Te haba u la shem ïa ka, u buh ïa ka halor ki tyrpeng jong u da kaba sngewkmen.

LOUKAS 15:5 ပူးပေါင်းရင်းမြစ်များ

ISAÏAH 62:12

Yn khot ïa phi, “Ki Briew ki bakhuid jong U Blei,” “Ki briew kiba U Trai u la pyllait im;” Ïa ka Jerusalem yn khot “Ka nongbah kaba U Blei u ieit.” “Ka nongbah kaba U Blei um shym la iehnoh.”

ISAÏAH 62:5

Kum u samla uba shim ïa ka theisotti kum ka nongleitkurim jong u, uta uba pynlong ïa pha un shongkurim ïa pha, kumba u nongleitkurim u shem sngewbha bad ka nongleitkurim jong u, kumta U Blei jong pha un shem sngewbha ïa pha.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

ESEKIEL 18:23

Hato phi pyrkhat ba nga kmen ban ïohi ba ki briew kiba sniew ki ïap?” U Trai Nongsynshar u kylli. “Em, nga kham mon ban ïohi ïa ki ba ki kylla-kaba-mut bad ki im.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

MIKAH 5:4

Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEPHANAÏAH 3:17

U Trai U Blei jong pha u long bad pha; ka bor jong u ka ai ha pha ka jingjop. U Trai un shem jingsngewbha ha pha, bad ha ka jingieit jong u un ai ha pha ka jingim bathymmai. Un rwai bad un kmen halor jong pha,

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 15:4

“Tharai uwei na phi u don shispah tylli ki langbrot bad u duh noh kawei na ki — kaei kaba un leh? U ieh ïa kiwei ki khyndaiphew khyndai tylli ki langbrot ha ka jaka bam phlang bad u leit ban wad ïa kata kaba la sakma haduh ba un da shem ïa ka.

LOUKAS 15:6

Nangta u khot lang ïa ki paralok bad ïa ki paramarjan jong u bad u ong ha ki, ‘Nga kmen haduh katta katta ba nga la shem ïa ka langbrot jong nga kaba la jah. To ngin ïalehkmen!’

LOUKAS 19:9

U Jisu u la ong ha u, “Mynta ka jingpynim ka la wan ha kane ka ïing, naba une u briew, ruh, u dei uba hiarpateng jong u Abraham.

LOUKAS 23:43

U Jisu u la ong ha u, “Nga kular ïa me ba ha kane ka sngi men don ha ka Paradais bad nga.”

ÏOANNIS 15:11

“Nga la ïathuh ha phi ïa kane khnang ba ka jingkmen jong nga kan ïoh long ha phi bad ba ka jingkmen jong phi kan long kaba dap pura.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

EPHESOS 3:7

Ïa nga keiñ la pynlong u shakri jong kata ka gospel da ka jingai bakyrpang U Blei, kaba u la ai ha nga lyngba ka jingtrei ka bor jong u.

1 THESSALONI 1:5

Naba ngi la wallam ïa ka Khubor Babha ha phi, ym tang ha ki ktien, hynrei ruh ha ka bor bad ha U Mynsiem Bakhuid, bad da ka jingsngewthuh pura ïa ka jingshisha jong ka. Phi tip kumno ngi la im mynba ngi la don bad phi; ka la long na ka bynta ka jingbha jong phi hi.

2 TIMOTHI 2:26

Bad nangta kin wan sha ka jingsngewthuh bad kin lait na ka jingriam u Ksuid, uba la pynngat ïa ki bad la pynlong ïa ki ban kohnguh ïa ka mon jong u.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.