LOUKAS 15:4 - Khasi CL Bible (BSI)

⁴ “Tharai uwei na phi u don shispah tylli ki langbrot bad u duh noh kawei na ki — kaei kaba un leh? U ieh ïa kiwei ki khyndaiphew khyndai tylli ki langbrot ha ka jaka bam phlang bad u leit ban wad ïa kata kaba la sakma haduh ba un da shem ïa ka.

KA BAIBL

⁴ “Uno u briew na phi uba don shispah ki langbrot, bad lada jah noh kawei na ki, u bym iehnoh ïa ki khyndaiphew khyndai ha lum bad leit wad ïa kata kaba la jah noh, ha ban da shem ïa ka?

LOUKAS 15:4 ပူးပေါင်းရင်းမြစ်များ

SALM 119:176

Nga ïaid sakma kum ka langbrot kaba la jah noh, kumta to wan bad wad ïa nga, u shakri jong me, namar ngam shym leh klet ïa ki aiñ jong me.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

JEREMAÏAH 33:13

Ha ki shnong jong ka ri lum, ha ki kjat lum, bad ha ka Judah bashaphang shathie, ha ka ri ki Benjamin, ha ki shnongrit sawdong ka Jerusalem bad ha ki shnong ka Judah, ki nongaplangbrot sa shisien kin ñiew biang ïa la ki langbrot. Ma nga, U Trai, nga la kren.”

JEREMAÏAH 50:6

“Ki briew jong nga ki long kum ki langbrot kiba ki nongap langbrot ki la shah ba kin jah noh ha ki lumbah. Ki la sakma kum ka langbrot na uwei u lum sha uwei pat, bad ki la klet hangno ka ïing jong ki ka don.

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

ESEKIEL 34:31

“Ma phi, ki langbrot jong nga, ka kynhun kaba nga bsa, phi long ki briew jong nga, bad nga long U Blei jong phi,” ong U Trai Nongsynshar.

ESEKIEL 34:4

Phim shym la sumar bha ïa kita kiba swai, pynkhiah ïa kito kiba pang, phim shym la sop spaiñ ïa kito kiba mynsaw, wallam pat ïa kito kiba la sakma, ne wad ïa kito kiba la jah noh. Pynban phi la lehbeiñ ïa ki.

ESEKIEL 34:8

Kumba da shisha nga long U Blei uba im, phin kham bha ba phi shahshkor ïa nga. Ki langbrot jong nga ki la shah patar ha ki mradkhlaw kiba pynïap bad bam ïa ki namar bym don u nongsharai. Ki nongsharai jong nga kim shym la pyrshang ban wad ïa ki langbrot. Ki la sumar bha ïa lade bad ym ïa ki langbrot.

MATHAÏOS 12:11

U Jisu u la jubab, “Kumno lada uwei na phi u don kawei ka langbrot bad ka hap hapoh ka thliew bajylliew ha ka sngi Sabbaton? Hato phin ym bat ïa ka bad kyntiew ïa ka shabar?

LOUKAS 13:15

U Trai u la jubab ïa u, “Me uba arsap! Uno uno na phi un law ïa la u masi dab lane ïa la ka kada na ka sem bad ïalam shabar ban ai um ha ka sngi Sabbaton.

LOUKAS 15:3

Kumta U Jisu u la ïathuh ha ki ïa kane ka pharshi:

LOUKAS 19:10

U Khun U Briew u la wan ban wad bad ban pynim ïa kiba la jah noh.”

Ka Shithi U Paul Sha Ki Nong Rom 2:1

Hato, ko paralok jong nga, phi bishar ïa kiwei pat? Phim lah lait satia, lada phi long uei uei ruh. Namar haba phi bishar ïa kiwei bad nangta phi leh ïa kijuh kiei kiei kiba ki leh, phi pynrem ïa lade.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.