LOUKAS 15:28 - Khasi CL Bible (BSI)

²⁸ “U hynmen u la bitar haduh katta katta ba um shym leit shapoh ïing; kumta u kpa jong u, u la mih shabar bad kyrpad ïa u ban rung shapoh.

KA BAIBL

²⁸ Hynrei, u, u la bitar, bad um mon ban rung hapoh; namar kata, u kpa jong u, u la mih habar bad u la khroh ïa u.

LOUKAS 15:28 ပူးပေါင်းရင်းမြစ်များ

ISAÏAH 65:5

Bad nangta ki ong ïa kiwei pat, ‘To ïeng jngai na ngi, naba ngi long kiba khuid shaba palat ym bit ban ktah ïa ngi!’ Ngam lah ban shah ïa ki briew kiba kum kita — ka jingbitar jong nga pyrshah ïa ki ka long kum ka ding ka bym ju lip shuh.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

JEREMAÏAH 35:16

Ki khun ki ksiew u Jonadab ki la kohnguh ïa ka hukum kaba u kpa tymmen jong ki u la ai ha ki, hynrei ma phi phim shym la kohnguh ïa nga.

JONAH 4:9

Hynrei U Blei u la ong ha u, “Me don hok aïu ban bitar ïa u jingthung?” U Jonah u la jubab, “Nga don ka hok baroh ban bitar — ban bitar eh ban ïap!”

MATHAÏOS 20:11

Ki la shim la ka bainong bad ki la ïakhñium pyrshah ïa u nongaikam.

MARKOS 1:40

U briew uba pang na ka jingpang 'ñiangthohlieh u la wan ha U Jisu, u la dem khohsiew bad u la kyrpad ïa u ban ïarap. “Lada me mon,” u la ong, “me lah ban pynkhuid ïa nga.”

LOUKAS 13:34

“A Jerusalem, Jerusalem! Pha pynïap ïa ki nongïathuhlypa, pha lynthem maw ïa ki nonglamktien kiba U Blei u la phah sha pha! Katno sien nga la kwah ban kdup ki briew jong pha, kumba ka syiar ka kdup ïa la ki khun hapoh ki thapniang jong ka, hynrei phan ym shah ïa nga!

LOUKAS 15:2

ki Pharisi bad ki nonghikai ka Hukum ki la sdang ban khñium, “Une u briew u pdiang sngewbha ïa kiba shah kyntait bad u da ïabam lem bad ki!”

LOUKAS 15:27

‘U para jong me u la wan phai pat sha ïing,’ u shakri u la jubab, ‘bad u kpa jong me u la phah pynïap ïa u khun masi uba la pynsngaid bha, namar u la ïoh pat ïa u ha ka jingsuk bad ha ka jingkoit jingkhiah.’

LOUKAS 15:29

Hynrei u la jubab ïa la u kpa, ‘Ha khmih, baroh kine ki snem nga la trei kum u mraw na ka bynta jong phi, bad ngam pat ju saitlah ïa ki hukum jong phi. Phi la ai aïu ïa nga? Ym don wat tang kawei ka blang na ka bynta jong nga ban ïakhawai bad ki paralok jong nga!

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

LOUKAS 5:30

Katto katne ngut ki Pharisi bad katto katne ngut ki nonghikai ka Hukum kiba dei ki jong ka kynhun jong ki, ki la khñium ha ki synran jong U Jisu. “Balei ba phi ïabam bad ïadih bad ki nonglum khajna bad kiwei pat kiba la shah kyntait?” Ki la kylli.

LOUKAS 7:39

Haba u Pharisi u la ïohi ïa kane, u la ong ha lade, “Lada une u briew u dei shisha u nongïathuhlypa, un da la tip kaba kumno kane ka briew ka long kaba ktah ïa u; un da la tip ka jait jingim bapop kaba kumno ka la im!”

KI KAM 13:45

Haba ki Jiw ki la ïohi ïa ki paidbah, ki la dap da ka jingpihuiñ; ki la ïania ïa kaei kaba u Paul u la kren bad ki la krenbeiñ ïa u.

KI KAM 13:50

Hynrei ki Jiw ki la pynkhih ïa ki rangbah bapawkhmat jong ka nongbah bad ïa ki kynthei Jentil kiba don ha ki kyrdan kiba halor ha ka imlang ka sahlang kiba la mane ïa U Blei. Ki la sdang ban pynshitom beiñ pyrshah ïa u Paul bad u Barnabas bad ki la beh ïa ki shabar na ka thain jong ki.

KI KAM 14:19

Katto katne ngut ki Jiw ki la wan na Antiokh kaba ha Pisidia bad na Ikoniom; ki la ïoh ïa u paidbah sha ka liang jong ki, ki la lynthem maw ïa u Paul bad ki la paring ïa u shabar shnong, da kaba pyrkhat ba u la ïap.

KI KAM 14:2

Hynrei ki Jiw ki bym shym la ngeit ki la pynkhih ïa ki Jentil bad ki la pynlong ïa ki ban ïaleh pyrshah ïa riewngeit.

Ka Shithi U Paul Sha Ki Nong Rom 10:19

Ngan kylli biang: Hato ki paid Israel kim shym la sngewthuh? U Moses hi u long uba nyngkong ban jubab: “Ngan pyndonkam ïa kata ka jaitbynriew ban pynlong ïa ki briew jong nga ban bishni; bad da kaba pyndonkam ïa ka jaitbynriew jong ki bieit ngan pynlong ïa ki briew jong nga ban bitar.”

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!

1 SAMUEL 17:28

U Eliab, u hynmen rangbah u Dabid, u ïohsngew ba u Dabid u ïakren bad kita ki rangbah. U la bitar ïa u Dabid bad u ong, “Me leh aïu hangne? Mano ba sumar ïa kito ki langbrot ki jong me kiba don ha ka ri khlaw? Ma me, me uba sngewstad! Me wan tang ban peit kai ïa ka jingïaleh thma!”

1 SAMUEL 18:8

U Saul um sngewtynnat ïa kane, bad u bitar lep. U ong, “Ïa u Dabid ki ai nam da ki phew hajar, hynrei ïa nga pat tang da ki hajar. Kin sa pynlong syiem ïa u hadien nangne!”