LOUKAS 15:27 - Khasi CL Bible (BSI)

²⁷ ‘U para jong me u la wan phai pat sha ïing,’ u shakri u la jubab, ‘bad u kpa jong me u la phah pynïap ïa u khun masi uba la pynsngaid bha, namar u la ïoh pat ïa u ha ka jingsuk bad ha ka jingkoit jingkhiah.’

KA BAIBL

²⁷ U te u la ïathuh ha u, ‘La wan u para jong me, te u kpa jong me u la pynïap ïa uta u khun masi ba la pynsngaid, naba u la ïoh pdiang pat ïa u, u bakoit bakhiah.’

LOUKAS 15:27 ပူးပေါင်းရင်းမြစ်များ

MATHAÏOS 22:4

Kumta u la phah ïa kiwei pat ki shakri lem bad kane ka khubor ïa ki nongshahkhot sngewbha: ‘La dep khreh ïa ka jingkhawai jong nga mynta, la dep shohdoh ïa ki masi dab bad ïa ki khun masi bakynsai jong nga, bad la khreh ïa kiei kiei baroh. To ale sha ka jingkhawai shongkurim!’

LOUKAS 15:26

Kumta u la khot ïa uwei na ki shakri bad u la kylli ïa u, ‘Ka jia aïu?’

LOUKAS 15:28

“U hynmen u la bitar haduh katta katta ba um shym leit shapoh ïing; kumta u kpa jong u, u la mih shabar bad kyrpad ïa u ban rung shapoh.

LOUKAS 15:30

Hynrei une u khun jong phi u la pynsyrwa ei ïa ka jingdon jingem jong phi ha ki nuti, bad haba u wan phai pat sha ïing, phi pynïap na ka bynta jong u ïa u khun masi uba la pynsngaid!’

KI KAM 22:13

U la wan sha nga, u la ïeng hajan jong nga, bad u la ong, ‘Ko Saul, to men ïoh imat pat!’ Ha kata hi ka khyllipmat nga la lah ban peit pat, bad nga la khmih ïa u.

KI KAM 9:17

Kumta u Ananias u la leit, u la rung shapoh ka ïing ha kaba u Saul u don, bad u la buh ïa la ki kti halor jong u. “Ko Saul, u para jong nga,” u la ong, “U Trai u la phah ïa nga — U Jisu hi, uba la mihpaw ha me ha ka lynti katba me dang wan shane. U la phah ïa nga khnang ba men ïoh imat pat bad ban pyndap ïa me da U Mynsiem Bakhuid.”

PHILEMON 1:16

Bad mynta um long shuh tang kum u mraw, hynrei kham palat ban ïa u mraw: u long u para ba-ieit ha U Khrist. Katno u long uba kordor ïa nga! Bad katno khraw un long uba kordor ïa me, kum u mraw bad kum u para ha u Trai!

1 SAMUEL 28:24

Kloi lan kata ka briew ka pynïap uwei u khun masi uba ka la ri pynsngaid. Nangta ka shim khyndiat u 'purew, ka khleh ïa u, bad ka shet u kpu uba khlem thiat.