LOUKAS 15:24 - Khasi CL Bible (BSI)

²⁴ Naba une u khun jong nga u la ïap, hynrei mynta u la im pat; u la jah noh, hynrei mynta la shem pat ïa u.’ Bad kumta ka jingkhawai ka la sdang.

KA BAIBL

²⁴ naba une u khun jong nga u la long uba la ïap, te u la im pat; bad u la long uba la jah noh, te la shem pat ïa u.’ Kumta ki la sdang ban ïalehkmen.

LOUKAS 15:24 ပူးပေါင်းရင်းမြစ်များ

JENESIS 45:28

“U Joseph u khun jong nga u dang im!” u ong, “Ngan pan aïu shuh nalor kane! Nga dei ban leit ïakynduh ïa u shuwa ba ngan ïap.”

ISAÏAH 35:10

Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.

ISAÏAH 66:11

Phin ïoh leh sngewbha ha ka jingdap kyrhai jong ka, kum i khunlung ha ka shadem ka kmie jong i.

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

ESEKIEL 34:4

Phim shym la sumar bha ïa kita kiba swai, pynkhiah ïa kito kiba pang, phim shym la sop spaiñ ïa kito kiba mynsaw, wallam pat ïa kito kiba la sakma, ne wad ïa kito kiba la jah noh. Pynban phi la lehbeiñ ïa ki.

MATHAÏOS 8:22

“Bud ïa nga,” U Jisu u la jubab, “bad ai kiba ïap kin tep ïa kiba ïap jong ki.”

MARKOS 8:22

Ki la wan sha Bethsaida, ha kaba katto katne ngut ki briew ki la wallam ha U Jisu ïa u briew uba matlah, bad ki la kyrpad ïa U Jisu ban ktah ïa u.

LOUKAS 10:19

Shahshkor! Nga la ai ha phi ka bor, khnang ba phi lah ban ïaid halor ki bseiñ bad ki 'ñianglartham bad jop ïa ka bor baroh jong u Nongshun, bad ym don kano kano ka ban pynmynsaw ïa phi.

LOUKAS 15:23

Nangta khie leit bad shim ïa u khun masi uba la pynsngaid bha bad pynïap ïa u, bad to ngin ïalehkmen da ka jingkhawai!

LOUKAS 15:25

“Ha kajuh ka por u khun ba kham heh u la don ha lyngkha. Ha ka lynti ba u wan phai, haba u la poi sha jan ka ïing, u la ïohsngew ïa ka jingput jingtem bad ka jingïashad.

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 15:4

“Tharai uwei na phi u don shispah tylli ki langbrot bad u duh noh kawei na ki — kaei kaba un leh? U ieh ïa kiwei ki khyndaiphew khyndai tylli ki langbrot ha ka jaka bam phlang bad u leit ban wad ïa kata kaba la sakma haduh ba un da shem ïa ka.

LOUKAS 19:10

U Khun U Briew u la wan ban wad bad ban pynim ïa kiba la jah noh.”

LOUKAS 9:60

U Jisu u la jubab, “Ai ba kiba ïap kin tep ïa kiba ïap jong ki. Khie leit ma me bad pynbna ïa ka Hima U Blei.”

ÏOANNIS 11:25

U Jisu u la ong ha ka, “Nga long ka jingmihpat bad ka jingim. Uno uno uba ngeit ha nga un im, wat la u la ïap; un ïoh im, bad uno uno uba im, bad uba ngeit ha nga un ym ïap lano lano ruh.

ÏOANNIS 5:21

Kumba U Kpa u pynmihpat ïa kiba ïap bad u ai ha ki ïa ka jingim, ha kajuh ka rukom U Khun u ai jingim ïa kito kiba u mon.

Ka Shithi U Paul Sha Ki Nong Rom 11:15

Naba haba ki la shah kyntait, ïa u bynriew la pynkylla na kaba long ki nongshun U Blei sha kaba long ki paralok jong u. Kaei ka ban long te, haba la pdiang ïa ki? Kan long ka jingim ïa kiba la ïap!

Ka Shithi U Paul Sha Ki Nong Rom 12:15

To ïakmen bad kito kiba kmen, to ïa-ïam bad kito kiba ïam.

Ka Shithi U Paul Sha Ki Nong Rom 6:11

Ha kajuh ka rukom phin pyrkhat ïa lade kum kiba la ïap, ha ka jingïadei bad ka pop, hynrei kiba im ha ka jingïasyllok bad U Blei lyngba U Khrist Jisu.

Ka Shithi U Paul Sha Ki Nong Rom 6:13

Lymne ba phi dei ban pyndem ïa kano kano ka bynta jong phi sha ka pop ha ka jingpyndonkam na ka bynta ki jingthmu bymman. Pynban, phi dei ban ai ïa lade sha U Blei, kum kito ïa kiba la wallam pat na ka jingïap sha ka jingim, bad ban pyndem ha u ïa la ka jingim baroh kawei, ban pyndonkam na ka bynta ki jingthmu bahok.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

1 KORINTH 12:26

Lada kawei ka dkhot jong ka met ka shitom, baroh kiwei pat ki dkhot met ki ïashitom lem bad ka; lada kawei ka dkhot met ka ïoh jingïaroh, baroh kiwei pat ki dkhot met ki ïoh bynta lang ha ka jingkmen.

EPHESOS 2:1

Mynshuwa phi la long kiba ïap ha ka jinglong mynsiem namar ka jingbymkohnguh bad ki pop jong phi.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

KOLOSSAI 2:13

Phi la long ha kawei ka por kiba la ïap ha kaba kynja mynsiem namar ki pop jong phi bad namar ba phi la long ki Jentil kiba khlem ka Hukum. Hynrei U Blei mynta u la wallam ïa phi sha ka jingim bad U Khrist.

1 TIMOTHI 5:6

Hynrei ka riewkynthei kaba im ha ki jingsngewbha ka la lah ïap lypa, wat haba ka dang im.

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.

JINGPYNPAW 3:1

“Thoh ha u angel jong ka balang ha Sardis: “Kane ka long ka khubor na uta uba don ki hynñiew ki mynsiem jong U Blei bad ki hynñiew ki khlur. Nga tip ïa kaei kaba pha leh; nga tip ba pha don ka nam babha ba pha long kaba im, wat la pha la ïap!