LOUKAS 14:21 - Khasi CL Bible (BSI)

²¹ “U shakri u la leit phai bad u la ïathuh ïa kane baroh ha u kynrad jong u. U kynrad u la bitar shla bad u la ong ha u shakri, ‘To leit kloi sha ki lynti bah bad ki lynti rit jong ka nongbah, bad wallam ïa kiba duk, kiba khrew, kiba matlah, bad kiba dkoh.’

KA BAIBL

²¹ Te uta u shakri u la wan bad u la ïathuh ha u kynrad jong u ïa kine kiei kiei ruh. Ynda kumta, uta u trai ïing ba u da sngewbitar, u la ong ha la u shakri, ‘Khie leit kumne kumne ruh sha ki lynti bah bad ki lynti rit ka shnong, bad wallam shapoh shane ïa ki baduk, ki bakynriang, ki bamatlah, bad ïa ki ba-dkoh.’

LOUKAS 14:21 ပူးပေါင်းရင်းမြစ်များ

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

SALM 38:7

Nga la khluit da ka jingpang shit, bad nga la jan ïap.

ISAÏAH 35:6

Kiba dkoh kin rynsied bad shad, bad kito ki bym lah ban kren kin pyrta da ka jingkmen. Ki wahduid kin tuid lyngba ka ri shyiap;

JEREMAÏAH 5:1

Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

SEKHARAÏAH 11:11

Kumta ïa ka jutang la pyndam noh ha kata ka sngi. Kito kiba la thied bad die ïa ki langbrot ki ap khmih ïa nga, bad ki tip ba U Trai u la kren lyngba kaei kaba nga la leh.

SEKHARAÏAH 11:7

Kito kiba la thied bad die ïa ki langbrot ki la wai ïa nga, bad nga la long u nongaplangbrot jong ki langbrot kiba la dei ban shah shohdoh. Nga la shim ar tylli ki dieng: Ïa uwei nga la khot “U Jingsngewbha” bad ïa uwei pat “U Jingtylli.” Bad nga la sumar ïa ki langbrot.

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 15:12

Nangta ki synran ki la wan sha u bad ki la ong, “Hato me tip ba la pynmong ïa ki jingsngew jong ki Pharisi da kaei kaba me la ong?”

MATHAÏOS 18:31

Haba kiwei pat ki shakri ki la ïohi ïa kaei kaba lah jia, ki la sngewsih shikatdei eh, bad ki la leit sha u Syiem bad ïathuh ha u ïa kaei kaei baroh.

MATHAÏOS 20:7

‘Ym don mano mano ba khot bylla ïa ngi,’ ki la jubab. ‘Lada kumta, te, phi ruh khie leit bad trei ha ka bri sohwaiñ,’ u la ong ha ki.

LOUKAS 14:13

Haba me khreh ka jingkhawai, khot sngewbha ïa kiba duk, kiba khrew, kiba dkoh, bad kiba matlah;

LOUKAS 14:20

Uwei pat u la ong, ‘Nga dang shu shongkurim, bad na kata ka daw ngam lah ban wan.’

LOUKAS 14:22

Shen shen u shakri u la ong, ‘La pyndep ïa ka hukum jong me, ko kynrad, hynrei dang don jaka na ka bynta kiba bun.’

LOUKAS 14:24

Nga ong ha phi baroh ba ym don na kito ki rangbah kiba la shah khot sngewbha ki ban ïohmad ïa ka jingbam miet jong nga!’ ”

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

LOUKAS 9:10

Ki apostol ki la wan phai pat bad ki la ïathuh ha U Jisu ïa kiei kiei baroh kiba ki la leh. U la ïalam ïa ki bad u, bad ki la ïaleit tang ma ki hi sha ka shnong ba la khot, ka Bethsaida.

ÏOANNIS 9:39

U Jisu u la ong, “Nga la wan sha kane ka pyrthei ban bishar, khnang ba kiba matlah kin ïohi bad kito kiba ïohi kin long matlah.”

HEBRU 13:17

To kohnguh ïa ki nongïalam jong phi da kaba bud ïa ki hukum jong ki. Ki sharai ïa ki mynsiem jong phi khlem da thait, namar ki dei ban ai jingkheiñ ïa ka kam jong ki sha U Blei. Lada phi kohnguh ïa ki, kin trei ïa ka kam da kaba kmen; lada phim kohnguh, kin trei ïa ka kam da kaba sngewsih, bad kata kan ym ïarap ïa phi.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JINGPYNPAW 19:15

Na ka shyntur jong u la mih ka waitlam kaba nep, da kata un jop ïa ki jaitbynriew. Un synshar halor jong ki da u diengduh nar, bad ïuhroit ïa ka waiñ hapoh ka jaka khñiot waiñ jong ka jingbitar shla jong U Blei U Badonbor Baroh.

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.

1 SAMUEL 25:12

Ki rangbah jong u Dabid ki leit phai noh bad ïathuh ha u ïa kaei ba u Nabal u la lah ong.