LOUKAS 14:13 - Khasi CL Bible (BSI)

¹³ Haba me khreh ka jingkhawai, khot sngewbha ïa kiba duk, kiba khrew, kiba dkoh, bad kiba matlah;

KA BAIBL

¹³ Hynrei, haba me khreh ïa ka jingkhawai, khot ïa ki baduk, ïa ki bakynriang, ïa ki ba-dkoh, ïa ki bamatlah:

LOUKAS 14:13 ပူးပေါင်းရင်းမြစ်များ

2 SAMUEL 6:19

bad u sam jingbam sha ki baroh. U ai ha uwei pa uwei u shynrang bad ha kawei pa kawei ka kynthei ha Israel mar uwei u kpu, shi lyngkhot ka doh syang, bad katto katne ki soh kismis. Nangta baroh ki la leit phai sha ïing.

2 KHRONIKL 30:24

U syiem Hesekaïah u la synñiang shihajar tylli ki masi lyngraw bad hynñiew hajar tylli ki langbrot na ka bynta ki briew ban pynïap bad bam, bad ïa ki rangbah synshar u la ai ha ki, sa kiwei pat ki shihajar tylli ki masi lyngraw bad shiphew hajar tylli ki langbrot. Bun bah ki lyngdoh ki la leit lyngba ka jingpynkhuid kat kum ka jinglehniam.

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

NEHEMAÏAH 8:12

Kumta u paidbah u leit noh sha la ïing bad bam bad dih da kaba kmen bad ïasam ïa kaei kaba ki don bad kiwei pat, namar ki la sngewthuh ïa kaei kaba la pule ha ki.

Ka Kitab U Job 29:13

Ki briew kiba don ha ki jingjynjar bakhraw ki ïaroh ïa nga, bad nga la ïarap ïa ki riewkynthei ban ïoh jingshngain.

PROBERB 14:31

Lada phi banbeiñ ïa ki briew kiba duk, phi ñiewbeiñ ïa U Blei uba la thaw ïa ki; hynrei ka jingpyn-i ïa ka jinglehsbun ïa kiba duk ka long ka kam jong ka jingmane.

PROBERB 22:9

To long sbun bad ïasam ïa ka jingbam jong phi bad kiba duk, phin long kiba la kyrkhu na ka bynta kata.

ISAÏAH 58:10

lada phi ai bam ïa kiba thngan, bad pynkdang ïa kito kiba kyrduh, te ka jingdum sawdong jong phi kan kylla jingtyngshaiñ kum shiteng sngi.

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

MATHAÏOS 15:30

Ki paidbah babun ki la wan sha u, ki da wallam bad ki ïa kiba dkoh, kiba matlah, kiba khrew, ki bymnang kren, bad kiwei pat ki briew kiba pang, ïa kiba ki la buh ha ki kjat jong U Jisu; bad u la pynkhiah ïa ki.

MATHAÏOS 22:10

Kumta ki shakri ki la ïaleit sha ki lynti bah bad ki la ïalumlang ïa ki briew baroh kiba ki lah ban ïashem, kiba bha bad kiba sniew kumjuh, bad ïa ka kamra khawai shongkurim la pyndap da ki briew.

LOUKAS 11:41

Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

LOUKAS 14:12

Nangta U Jisu u la ong ha u nongpdiang ïa u, “Haba me ai ïa ka bam step ne ka bam miet, wat khot sngewbha ïa ki paralok jong me lane ïa ki hynmen ki para shynrang jong me lane ïa ki ba-ha-ïing jong me lane ki paramarjan kiba riewspah jong me — naba kin khot sngewbha kylliang ïa me, bad ha kane ka rukom yn sa siew ïa me na ka bynta kaei kaba me la leh.

LOUKAS 14:14

bad men long uba la kyrkhu, namar kim lah ban siew kylliang ïa me. U Blei un siew pat ïa me ha ka sngi ba ki briew kiba bha ki mihpat na ka jingïap.”

LOUKAS 14:21

“U shakri u la leit phai bad u la ïathuh ïa kane baroh ha u kynrad jong u. U kynrad u la bitar shla bad u la ong ha u shakri, ‘To leit kloi sha ki lynti bah bad ki lynti rit jong ka nongbah, bad wallam ïa kiba duk, kiba khrew, kiba matlah, bad kiba dkoh.’

KI KAM 9:39

Kumta u Petros u la khreh bad u la leit bad ki. Haba u la poi, la ïalam ïa u sha ka kamra kaba haneng, ha kaba ki riewkynthei baroh ki la ïalum sawdong ïa u, ki da ïam bad pyn-i ïa ki sopti bad ki jaiñkup kiba ka Dorkas ka la suh mynba ka dang im.

DEUTERONOMI 14:29

Kane ka jingbam ka long na ka bynta ki Lebi, namar kim don bri don khyndew, bad na ka bynta ki nongwei, ki khunswet, bad ki riewkynthei kiba shong ha ki shnong jong phi. Kin ïawan bad kin ïoh kat ïa kaba ki donkam. Leh kumta, bad U Trai U Blei jong phi un kyrkhu ïa phi ha ki kam jong phi baroh.

DEUTERONOMI 16:11

Lehkmen ha khmat U Trai ryngkat bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi. Leh ïa kane ha kata ka jaka mane Blei.

DEUTERONOMI 16:14

To ïalehkmen ïa ka lem bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

TITOS 1:8

U dei ban long uba lehsbun bad uba ieit ïa kaei kaba bha. U dei ban long uba synshar ïa lade, uba beit, u bakhuid, bad uba leh ryntih.

PHILEMON 1:7

Ka jingieit jong me, ko para ba-ieit, ka la wallam ïa ka jingkmen bakhraw bad jingaimynsiem bajur! Me la pynkmen ïa ki dohnud jong ki briew U Blei baroh.

HEBRU 13:2

Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.