LOUKAS 13:25 - Khasi CL Bible (BSI)

²⁵ U kynrad jong ka ïing un khie bad un khang ïa ka jingkhang; nangta haba phi ïeng shabar bad sdang ban tied ha ka jingkhang bad ong, ‘To plie ïa ka jingkhang na ka bynta jong ngi, ko kynrad!’ Un jubab ïa phi, ‘Ngam ithuh ïa phi nangno phi ïawan!’

KA BAIBL

²⁵ Te haba shi sien ba u trai ïing u la ïeng, bad u la khang ïa ka jingkhang, bad ba phin sdang ban ïeng shabar bad ban tied ïa ka jingkhang, phi da ong, ‘A Trai, A Trai, to plie ïa ngi’; u te un ïathuh un ong ha phi, ‘Ïa phi ngam ithuh, phi nangno.’

LOUKAS 13:25 ပူးပေါင်းရင်းမြစ်များ

JENESIS 7:16

Hadien ba u Noah u la rung shapoh, U Trai u khang noh ïa ka jingkhang.

SALM 32:6

Kumta baroh ki briew kiba hok ai kin duwai sha me ha ki por badonkam; haba ka jingshlei jong ka jingjynjar ka wan tur shapoh, kan ym lah ban poi sha ki.

ISAÏAH 55:6

To phai sha U Trai bad duwai ha u, mynta ba u don hajan.

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

LOUKAS 13:27

Hynrei un ong biang, ‘Ngam ithuh nangno phi ïawan. Khie leit noh na nga, phi baroh ki briew kiba bymman!’

LOUKAS 3:8

To leh ïa kita kiei kiei ki ban pyn-i ba phi la phai noh na ki pop jong phi. Bad wat sdang ban ong hapdeng jong phi hi ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ïa ki, ki khun ki ksiew jong u Abraham!

LOUKAS 6:46

“Balei ba phi khot ïa nga, ‘A Trai, A Trai,’ bad pynban phim leh ïa kaei kaba nga ong ha phi?

2 KORINTH 6:2

Ha sngap aïu U Blei u ong: “Haba ka por ka la poi ïa nga ban pyn-i ïa ka jingshem sngewbha ha phi, nga la ïohsngew ïa phi; haba ka sngi ka la poi ïa nga ban pynim ïa phi, nga la ïarap ïa phi.” To shahshkor! Kane ka dei ka kynta ban pdiang ïa ka jingshem sngewbha U Blei; Mynta, ka dei ka sngi jong ka jingpynim!

HEBRU 12:17

Hadien kata, phi tip, u la kwah ban ïohpdiang ïa ka jingkyrkhu u kpa jong u, hynrei u la shah kyntait; namar um ïohlad shuh ban pynkylla ïa kaei kaba u la leh, la u la wad ïa ka da ki jingjaw ummat.