LOUKAS 13:17 - Khasi CL Bible (BSI)

¹⁷ Ka jingjubab jong u ka pynlong ïa ki nongshun jong u ban sngewlehrain ïa lade, katba ki briew ki la risa ha kiei kiei baroh kiba phylla kiba u la leh.

KA BAIBL

¹⁷ Te katba U dang kren ïa kine kiei kiei, la pynsngewlehrain ïa ki nongïaleh pyrshah jong U baroh, hynrei, u paidbah baroh u la leh kmen namar kiei kiei baroh kiba phylla kiba U la leh.

LOUKAS 13:17 ပူးပေါင်းရင်းမြစ်များ

SALM 109:29

Ai ba ïa ki nongshun jong nga yn tap da ka jingjahburom; ai ba ka jinglehrain jong ki kan long kum ka jingkup jaiñ jong ki.

SALM 111:3

Baroh kaba u leh ki dap da ka jingpyndonburom bad kaba iphieng; ka hok jong u ka neh junom.

SALM 132:18

Ngan tap ïa ki nongshun jong u da ka jinglehrain, hynrei ka hima jong u kan roi kan par bad tyngshaiñ.”

SALM 40:14

Ai ba kito kiba pyrshang ban pynïap ïa nga kin shahjop khoit bad dum buit. Ai ba kito kiba kmen namar ki jingjynjar jong nga yn pynphai pat bad pynjahburom.

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

ISAÏAH 4:2

Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

ISAÏAH 45:24

“Kin ong ba dei tang lyngba jong nga yn shem ïa ka jingjop bad ka jingkhlaiñ; hynrei baroh kiba shun ïa nga kin shah pynjahburom.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

LOUKAS 14:6

Hynrei kim shym la lah ban jubab ïa u shaphang kane.

LOUKAS 18:43

Hangta hi u la lah ban imat pat, bad u la bud ïa U Jisu, da kaba ainguh ïa U Blei. Haba ki paidbah ki la ïohi ïa kata, ki la ïaroh ïa U Blei.

LOUKAS 19:48

hynrei kim shym shem ka lad ban leh ïa kata, namar baroh ki briew ki la ïai shahshkor ïa u, kim kwah ban duh noh wat kawei ka kyntien.

LOUKAS 20:40

Naba kim nud shuh ban kylli ïa u kano kano ka jingkylli.

KI KAM 4:21

Kumta ka Dorbar ka la maham ïa ki kham tyngeh bad nangta la pyllait noh ïa ki. Ki la ïohi ba ka long ka bym lah long ban pynshitom ïa ki, namar ki paidbah baroh ki la ïaroh ïa U Blei na ka bynta kaei kaba la jia.

2 TIMOTHI 3:9

Hynrei kin ym lah ban leit kham jngai, namar baroh kin ïohi ba katno ki long kiba mutlop. Kata ka long kaei kaba dang dep jia ïa u Jannes bad u Jambres.

TITOS 2:8

Pyndonkam da ki ktien kiba shongnia ïa kiba yn ym don ba wad daw, khnang ba yn ïoh pynlehrain ïa ki nongshun jong me da ka bym don ei ei kaba sniew ban ïoh kren pyrshah shaphang jong ngi.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.